本人之前失業左大半年, 好不容易先搵到野做, 以為會好開心..... 點知因為內向膽小既性格影響左我既工作表現 & 人際關係....

其實, 我原本係想做文職既, 但係我個位其實係一腳踢, 咩都要做 !!! 不過, 最主要都係做 reception, 成日都要對客, 但係我唔鍾意笑, 又好怕同陌生人講野, 次次有客人問我野就騰哂雞, 攪到而家所有同事 & 上司都唔鍾意我, 成日笑我傻下傻下, 成個白痴咁; 甚至連 d 客都怕左我, 因為我 d 應對好差, 佢地問親我問題又唔識答 !!!

仲有, 我個人真係蠢得好緊要, 成日都要人地畫公仔畫出腸先至明白, 所以我成日都有好多野都唔識做, 呢頭教完, 果頭又問 !!! 雖然我有用筆記低我要做既野, 每日放工回家都會睇番自己學左 d 咩 & 要做 d 咩, 但係 d 野實在太複雜, 所以好多時就算記低左都唔會識做, 因為我做既唔係死板既工作, 好多時都要用腦, 我自問自己係果 d 死板既人, 轉數既野根本唔適合我 !!!

其實, 我番左第二日工已經覺得好氣餒,好想放棄, 好想辭職唔做, 因為我真係覺得好唔開心, 好大壓力, 呢份工根本唔適合我 !!! 但問題係我之前已經失業左咁耐,好難得先至搵到呢份工, 如果呢個時候放棄, 我家人一定會鬧死我 !! 再者, 我唔想再好似之前咁, 日日0係屋企上網搵工, send 工, 等見工; 過呢 d 行屍走肉既日子我受夠喇 !!!  

我真係好驚冇左呢份工, 好驚過唔到試用期..... 就算過到試用期, 我又好驚第時辭職時, 佢地唔肯出 reference letter 比我; 就算肯出 reference letter 比我, 又好驚寫到我好差 !!! 所以, 我而家真係進退兩難, 唔知做定唔做好 !!!  

我覺得自己有好多問題去影響我既事業:

1) 人際關係差: 我同同事完全冇話題, 加上佢地個個都唔鍾意我, 淨係識得笑我做唔到野, 傻下傻下咁, 所以令我更加唔敢同佢地講野 !!! 再者, 我份人好內向, 唔識圓滑, 唔識做人, 唔識醒水, 所以好難融入佢地既社交圈子 !!!

2) 工作能力低: 我覺得公司 d 野好難做, 好複雜, 次次一有新野要教, 我就騰哂雞, 因為我好蠢, 根本消化唔到佢教我既野 !! 再者, 我個人性格好內向, 被動, 膽小怕事 & 不擅交際, 呢一點先至係我既致命傷 !!!

3) 語文能力低: 因為好多客人都係外國人, 所以有時要用英文同佢地溝通, 但問題係我 d 英文好差, 所以成日都聽唔到佢地講乜, 講英文更加唔敢 !!!

如果你地問我做咩公司, 邊一行, 咩職位, 我諗我唔方便講.....

我想問如果你地係我, 你地會點解決 & 面對我遇到既問題 ??   

樓主，
首先，我想問你份工做左幾耐先？
我覺得你份人太緊張啦，
首先要放鬆自己，
對自己有自信d，
其實我都做過你而家的post，
開頭係會有d難，
因我本身都係d緊張的人，
但慢慢，
過多幾個月，就會適應的，放心，
仲有，如果人地教你野，你可以用紙筆抄低，
教完，自己消化下，如果真係唔明，可以問多次，
好過，到時你做錯，d人就會話你，唔識又唔問的，
樓主，努力啦，
個人主動d，放鬆d工作，
效率都可以好d

我都你差唔多都係咁...做recep同admin野
我都係好內向既人..唔鐘意同唔識/唔熟既人講野
不過好彩教我野o個個人好好人..初初做個時佢跟得都好足...所以慢慢都ok上手

就算你唔鐘意講野都好..唔明/唔識真係要問...費事做錯時俾人話俾人唔好既印象
唔好怕俾人話你"教過都唔識"之類既說話嚇親..唔識咪唔識lo冇咩大不了...做得多做熟左咪自然識lo..我就唔信佢地初初做就識哂所有野
接觸外國客呢d我都要做...普通英文都ok..我諗樓主應該都冇問題...唔駛太驚講...d外國人多數都好nice..知你英文唔好都會就下你..不過自己真係要進修下

而家呢個時勢唔好辭職住呀...唔係搵工受家人白眼仲慘...我覺得
至於你話reference letter呢d係以後既事...遲d再諗啦
蠢唔緊要最重要你肯學肯試姐...試下試下就ok ge啦
加油!

保住份工作... 騎牛搵馬才是上策啊...

加油丫樓主~~~~~~

番左幾日 咋嘛~~~

比d毅力人地睇~~~~

唔可以氣餒架~~~~~


我之前做summer sale 都係唔太識同人媾通 又怕同 陌生人講野

搞到開得好少單

第一個月仲要 一張單都開唔到

之後第2個月 我比自己多d自信....迫自己開口...睇多d前輩點做

之後就改善左喇


其實 最重要 係你想唔想幫自己....

對住d客 你太緊張 會咩都諗唔到

同埋做多d準備囉 唔好比人問到口啞啞


唔好比同事睇死 佢地見你 做到野就唔會再排你架喇

放鬆D啦, 不要想太多, 直到公司要辭退你才再作打算吧, 至少你現在還有收入, 外面風大雨大呀

你唔好太緊張啦...反而會更影響你工作表現,最緊要表現淡定, 肯學.
仲有你唔好介意班人笑你,..出來工作你要預左咩人都有..

congratulations~
你終於見到你上岸了~

人際關係差, 工作能力低, 語文能力低
呢d野你咪親呢份工改改佢囉~

其實你見呢份工，斷估都唔會得你一個見架，
公司請得你，一定係有個人之處，
放膽做放膽問，比多d自信自己就得架喇~
公事既同事就更加唔駛理佢地，比人話當然會唔開心，
但你要知道，佢地當自己是誰呀~ 唔好比無謂人影響心情，
你不是為佢地而活，有邊間公司無衰同事架~(我諗冇~ )
如果係好心指導你做事既就聽，如果講無謂野既，就當佢係無謂人就得啦~
我公司都有大部份無謂人係度，我會覺得佢地其實好可憐!
想像一些難做既事情係一項挑戰，你一定得架!

train up yourself and be confidence, if you can not handle a job like this I think it's kinda tough for your to go further. Add oil !!

老友放鬆下

樓主，
首先，我想問你份工做左幾耐先？
我覺得你份人太緊張啦，
首先要放鬆自己，
對自己有自信d，
其實我都做過你而家的post，
開頭係會有d難，
因我本身都係d緊張的人，
但慢慢，
過多幾個月，就會適應的，放心，
仲有，如果人地教你野，你可以用紙筆抄低，
教完，自己消化下，如果真係唔明，可以問多次，
好過，到時你做錯，d人就會話你，唔識又唔問的，
樓主，努力啦，
個人主動d，放鬆d工作，
效率都可以好d                                                                                                                                                                                                                       

我都你差唔多都係咁...做recep同admin野
我都係好內向既人..唔鐘意同唔識/唔熟既人講野
不過好彩教我野o個個人好好人..初初做個時佢跟得都好足...所以慢慢都ok上手

就算你唔鐘意講野都好..唔明/唔識真係要問...費事做錯時俾人話俾人唔好既印象
唔好怕俾人話你"教過都唔識"之類既說話嚇親..唔識咪唔識lo冇咩大不了...做得多做熟左咪自然識lo..我就唔信佢地初初做就識哂所有野
接觸外國客呢d我都要做...普通英文都ok..我諗樓主應該都冇問題...唔駛太驚講...d外國人多數都好nice..知你英文唔好都會就下你..不過自己真係要進修下

而家呢個時勢唔好辭職住呀...唔係搵工受家人白眼仲慘...我覺得
至於你話reference letter呢d係以後既事...遲d再諗啦
蠢唔緊要最重要你肯學肯試姐...試下試下就ok ge啦
加油!

保住份工作... 騎牛搵馬才是上策啊...

加油丫樓主~~~~~~

番左幾日 咋嘛~~~

比d毅力人地睇~~~~

唔可以氣餒架~~~~~


我之前做summer sale 都係唔太識同人媾通 又怕同 陌生人講野

搞到開得好少單

第一個月仲要 一張單都開唔到

之後第2個月 我比自己多d自信....迫自己開口...睇多d前輩點做

之後就改善左喇


其實 最重要 係你想唔想幫自己....

對住d客 你太緊張 會咩都諗唔到

同埋做多d準備囉 唔好比人問到口啞啞


唔好比同事睇死 佢地見你 做到野就唔會再排你架喇