o岩o岩琴晚打爆左A,因為無拎到東方不敗,而且出戰陣容有少少錯,所以打得幾辛苦。
因為之前兩關都唔係打得好辛苦,所以一心以為最後一關雖然限時10round,都應該可以清到大部份卒,所以Z同ZZ都照出。點知,打左兩個round,就發覺唔多夠打,於是改變策略個個飛去打大Boss,於是,就出現超級系數量不足的重大問題。
我琴日出戰陣容係:
女主角(強制出擊)、Z、ZZ、New、沙撒比、GP03、拖魯傑斯III、珍寶3、超力電磁俠、V型電磁俠、God Gundam、風雲再起、大武士、密達斯
因為改變策略狙擊boss,ZZ招地圖砲都無乜用,Z同GP03都可有可無。如果俾我再揀,會加入泰坦3同真三一。
琴晚俾大Boss招地圖砲打到我叫救命,好彩佢都算有良心,二回行動唔會連出兩次地圖砲,否則真係唔駛打。最後我都仲要靠開左集中的Z、沙撒比、New三部真實系,狂s/l期待30%命中率可以打中boss,勉強打得爆。