看了呢度咁多篇貼子, 鬧政府佔八成. 住o係外國有十年, 想分享外國有乜唔及香港. 全部是個人或親人親身經驗. 這帖是(一): 香港公共医療.

Peter是我老表, 第一次去ER還是剛來美國的時候，劇烈腹痛，同屋的 Sam 趕快打電話叫了救護車，等了 45 分鐘, 救護車才施施然到. 救護員又用左十分鐘施施然慢慢抄佢個人資料.  送到當地一所政府醫院 ER, 前後共用了一個鐘。

那天還算運氣好，進了醫院就給了個房間，抽血，量血壓，吊了一袋水。Peter 反復聲稱只是腹痛，可沒人理他……說是醫生一會兒就來。 佢等左三個鐘, 等到唔耐煩, 捉住個護士貭問, 結果比人大喝: " be patient! All doctors are busy now!!" (據 Peter 說, 當日 ER 共有 20 個病人, 20個医護)... Peter剛來美國, 英文有限公司, 無力還擊.....  上午7點鐘進的ER.下午2點鐘的時候見到醫生。他還在天真地問: 美國政府沒有「服務誠諾」?? 折騰了一番，說是沒有問題……可能是 peter 喝多了不潔水之類的……開了止痛藥給他，說是再痛的話，再來醫院……Peter 仲識講笑話: 下次再痛的話, 搭飛機返香港 ER 仲快過返嚟云云.

Peter 剛來美國, 那有医療保險.  三個星期後收到脤單: oh my God...US$800 大元: $200 救救護車; $300 ER 費; $300 医藥費.

Peter 睇到張單, 仲以為 print 錯, 多左個 0 頭. 之後打比我, 告之我一切. 我同佢講, 你此 ER 經驗, 極之正常. 我年中聽唔少.

呢個"港男", 仲以為自己喺香港, 期望有「服務誠諾」,  期望收費是一百港元.  期望可投訴護士. (Peter 之後仲發揮香港投訴本色, 寫信去投訴救護員速度, 護士態度....封信石沉大海去了...)

喺美國, 你冇医療保險, 如果有大病, 一係比天文數字医藥費, 一係等死.  那有政府街症你輪?! 就算我有医療保險, 去一次 ER, Co-Payment 是 US$30. 而我比嘅稅, 比香港大部份人為多.


這帖是(一). 有時间會發 (二), 講第ニ d  野. Enjoy!

好似昨日宣布億幾出來俾的嬰兒打預防針，反對派傳媒一句都無提過！

支持樓主, 雖然呢度唔反共,唔反政府就冇乜市場, 但寫多d野比我地呢d認為外國月亮圓d既小市民睇下,都係好事

我有個德國同事係日本做consultant, 佢係日本好多年, 老婆係日本人, 講地道既日文
佢之前有急事入左ER 發覺條腸有事, 之後佢死都要返德國醫因為佢話日本既醫生都係唔掂
佢仲叫我唔好睇咁多日劇, 日本既醫療唔係我地想像中咁好

真人真事。。其實全世界都一樣。。香港唔好得去邊。。前幾年我一樣腹痛。。去到公立醫院。。搞左至少6個鐘。。剩系檢驗都等左至少6個小時。。期間系好疼。。經醫生檢定。個腎有問題。。要我排專科。。不過系要排一年。。期間仲要系疼到PK...等救命真系死得。。無錢真系唔可以病。。。最后要私家先搞掂。。。收費比美國仲貴。。。！

仲有系香港如果有牙科問題。。。求醫就遠超美國，日本。。。過萬蚊看只牙系好平常的事。。你看野太過片面。。。只看個別列子。。

問題係，市民白白有這種所謂福利的？

政府是一個代市民管理地方的機器啫，市民要納稅及支持他的成長，於是要求得到這類服務，十分合理。

當然可以用美國之類清教國家來比較，但如果你是美國公民，一般有保險的，你甚至可以告引至你生病的原因．．．．如果有的話。

所以，港人不是身在福中不知福，而是納稅後得到應有的權利。

樓主, 我個仔住 New York, 係美國公民. 有一晚胃好痛, 打長途反來問我點好, 咁叫佢去 ER. 睇醫生, 驗血, 無照鏡. 張單係 USD1600.00.
個 breakdown 係:
registration : $1054  掛號要美金 1054大元 !!
量體溫 : $52  量體溫要 400港元 ?!
量血壓 : $52
量血含氧量 : $72
etc etc
無俾藥, 因為我俾左 d 藥佢帶過去, er 醫生睇過話照食就得
當然個仔公司有同佢買醫療保險
我當時既反應就係呢 d 唔係人住既地方, 所以決定放棄左張綠咭.

本人覺得其實香港醫療是幾好的. 只是當你有病時候的心情是想盡快醫好個病又不用太多錢而又得到最好的幫助或服務.  唉! 如無記錯97年前香港er是免費的. 排隊看病都算快.