一切都要由05年既一日開始講起..............

我係一個習慣下午先打機既人,但有一日好想打隻game
所以一破慣例,一起身就開機
不過打打下就覺得集中唔到精神(而家諗番一個人起身時都唔精神架啦= =")
之後就覺得好奇怪,一直將"集中唔到精神"擺o係心
跟住覺得我做咩都集中唔到精神咁.........唔知係未因為咁樣
搞到我開始唔正常,無啦啦諗埋d古怪野
例如:呢個世界係未真?人點解可以有廣闊既視野?等等古怪念頭
仲有一個念頭就係......我睇到既影像係未只係我眼球內既幻覺呢?
我仲同d朋友講呢個世界究竟係未真既呢?
有次仲痴線到同我一個朋友講:你究竟係未真架?
(其實我o個時思想有d混亂)
我有個friend聽到我咁講,問我係未有思覺失調
我嚇親話唔會啊.........之後d日子就不斷諗"所見到既野係未真既呢".............
o係o個段時間,我做左d唔正常既行為,
試過好近(幾乎貼埋)咁望野,包括對住電腦同電視
我望到既事物感覺唔同左(好似虛假左)
初期試過好多次失眠,因為好唔明白自己點解諗d咁野,就痴線
成日第2日起身都冇咩眼訓,可能因為自己都冇咩點用個腦
冇試過集中精神去做過一樣野,日日好似空住個腦做人咁
但返學都會同人有講有笑.....................

有日真係覺得咁樣落下唔係辨法,究竟有咩野可以幫我?
突然我諗番冇理好耐既信仰...........耶穌
(不過......我只係番過幾次教會,聖經都冇咩點睇過)
我求佢醫治我..........之後我不知不覺將"所見到既野係未真既呢"
呢個問題漸漸化淡,開始關心現實既野,亦都冇去諗d古怪野
中四.五過左去,會考慘敗(接近0分)
然後自修,但係都得單位數字,今年再自修,誓要到14分以上
但............有個問題就係
唔知點解.....我而家想集中精神望番野都唔得
人一集中精神通常對眼會緊d,但係我對眼好似唔識緊咁= =
又用唔到腦.......有時想聚精會神諗野就想嘔
我會諗......究竟咩原因呢......係我心理有病定個身體有事?
我每日都祈禱,求神醫治我,但佢都好似冇理我
所以我之前發左post,問神會唔會醫精神病人,有冇能力醫治?

我有想去睇醫生,check下係未身體既問題
但又唔知幾時去好,而家3月中,我4月中要會考啦
我驚睇醫生又排隊,又可能要驗腦,又貴又哂時間咁
到時唔知咩事,又可能做好多檢查,要駛好多錢(屋企窮啊)
我一定會睇醫生,但唔想而家,因就快會考啦.......

唉........搞到我而家都唔知點算好.....覺得好無助...
覺得基督宗教既神唔係真.........
大家幫我祈禱好冇?

呢個世界係咪真? 重要嗎?
你既生活都唔會因此而改變.. 真定假都好..你始終都係要考CE, 溫書
你係世界既一部份, 而你正在思考, 即表示你邏輯上不能全盤否定世界既存在性

諗呢D野都正常既..唔洗擔心.. 我好多朋友都諗過呢D問題..
諗完就算.. 就算呢個有CE既世界係假既..咁又點? 你可以去一個冇CE既世界生活? 訓醒咪一樣要生活..
珍惜你既生活啦.. 我黎緊考AL喇..俾心機!

你應該去睇下醫生、搵d社工見下、或者搵相熟神父傾下，唔好再自己一個人係咁諗喇~~~諗極都係咁架喇~~

都會為你祈禱(天主教的叫法)，希望天主賜你平安~~~

btw，挑戰第三次ce，如果touch wood都出事，都要開始plan下之後條路點行喇~~~呢樣野唔係求天主就可以幫到你，都要去計劃一下喇~~

其實我都曾有諗過你的問題。

不如你深深的呼吸先，慢慢一呼，一吸，一呼，一吸。

你覺得你呼吸的空氣是假的嗎？放鬆自己，什麼都不要想，連是否有神都不要想。嘗試比自己重複這個動作五至十分鐘。

朋友，這個世界是真實存在的，但不是電子遊戲的世界。你確實存在於這世上。

朋友，你同自己講，為自己定個目標。

"輕鬆一些吧，不要太緊張。"

"要努力考好會考先"

"放棄打機，會對你有些好處。"

你並沒有病，只是精神緊張。

做得好好，放鬆自己的心情。慢慢放鬆一呼，一吸，一呼，一吸，什麼都不要想。

仁慈的天主父，願你能平靜樓主的內心，好好為自己準備，遇到困難時能好好面對它，賜樓主力量，同時間讓他能得到別人的幫助。自己亦能將自己的困難與人分享。亞門。

樓主，加油。努力。

我會為你祈禱！！
朋友，這個世界是真實的，根本不用懷疑。
是不是讀書的壓力很大？你不想再失敗，所以一直在壓迫自己呢？
做人和做事，有時也應懂得放下啊！
就好像我們長得矮，根本無可能掂到天花板一樣，即使穿上四吋高跟鞋，再拿一張椅子企上去，最後可能失平衡掉下來弄傷自己。

如果情緒有問題的人，可以多吃一點香蕉，因為香蕉可以幫助製造血清素，血清素是一種荷爾蒙，負責在神經細胞間傳遞化學訊息，同情緒有着密切關係，
香蕉內還有一種叫生物鹼的物質，可以振奮精神和提高信心的。
多吃香蕉也很有益，不過腎病患者就要忌食了。
間時吃一隻香蕉，不昂貴，你試試吧！
天主造了萬物，樹上結的果實，就已經可以幫助治療情緒病了。