我阿姨個女結婚
佢知我有女朋友,印埋帖派比佢
咁係唔係要做人情
但係我女朋友只係見過佢一次(唔夠5分鐘)
更加一句野都無講過,最重要係我阿姨個女我女朋友更加係未見過
咁可唔可以唔收佢呢張帖
因為我女朋友只係學生(+上屋企真係好窮),連禮金300蚊都比唔起
而且佢都唔想去呢個婚禮
咁可以點推左去

睇你個親戚出自咩心態:
1. 可能佢係出於好意,當你女友係自己人先請!係咁既話你女友唔去都可以直接講,就算唔比人情佢都唔會嬲你!
2. 如果你親戚衰既,見人就就請既,你咪理鬼佢囉,但最好同你老母單聲!咁都嘈你既,呢d親戚要唔要都罷!

好難唔收帖的. 話晒係你表姐/表妹.

收佐帖唔去, 要俾3百. 去的話, 公價5百. 如果唔想去, 可以送份禮物都得. 佢真係唔想去就話佢o果日有o野做, 例如補課之類.

P.S. 男家俾女家的先叫禮金
       去飲賓客俾新人/佢O地父母的叫人情呀!

你係咪已經出來做緊事, 若果係的話你比埋女友個份.  何況到時你結婚你一樣會請佢一家人.

佢當你自己人先請你女朋友飲, 我覺得係心意, 俾幾多無所謂.