我同男友決定結婚之後呢.. 就傾左大概個budget.. 然後大概點分..
之後book酒席同影相囉..
咁就唔一定係男家俾晒所有錢.. 我覺得而家女仔都有做嘢啦.. 好應該有貢獻...
人情唔一定俾晒女家架喎... 女家通常會攞番女家親戚嗰幾圍囉...
禮金就.. 要問阿媽啦..

我都同我女友準備結婚前既野,閒閒地都要成二十萬,計埋人情都要比十幾萬!
本身唔想女友出錢幫補,但因為我冇咩能力出得起咁多錢,所以女友會幫補下我!

另外, D 錢點分配? 男人有能力咪比晒囉
正常係咪男家比哂錢家?有能力就係,冇能力唔多唔少都要女人幫手D
人情最後係咪比哂女家?男人有能力既比晒女家又有咩所謂,但要睇下男人能力有幾多!
禮金幾多先先正常...少既咪比一兩萬囉,有錢既十萬至百萬不等!
結婚之前有咩要準備?大把囉!最緊要錢同時間!
時間要幾長?短可以一個月排期,長可以幾年!大多數1-2年!
要SAVE 幾多錢先可以結婚?大攪定小攪?小既咪簽紙價錢,貴既問李生!

擺酒之後邊個找數?你兩個囉-.-

→ D 人情最後係咪比哂女家?
食錯藥？？男家歸男家，女家歸女家

決定結婚前，我地先計budget，再定儲錢計劃。預算到開支就定結婚日期。兩個人最主要既共識係金錢。我地決定自己出錢，唔駛父母出。
預算開支會由禮金、酒席、租衫、婚紗相、租車、餅咭、婚禮攝錄影等等，計個預算表。如果唔知開支項目，可以去新婚esd睇下，佢地有sample可以參考。而想知價錢，就要去下婚紗展、金都、金巴利道行下，格下價。
其中，禮金同酒席，我地會先問父母意見，再計算budget，咁樣可以先滿足父母要求，而自己有計劃儲錢時期。
傳統上，女家會收回指定酒席既人情，呢樣野可以同父母商量，我地因為自己出錢，父母就無咁既要求。禮金就俾3萬幾，禮金由bf自己儲。
我擺30圍，每圍6k，即預180k係酒席開支。另外，其他租衫、租車、花球、婚紗相、利是、婚禮攝錄影既雜項就要7、8萬。我預Total大概用26萬左右。擺酒後會叫兄弟幫手俾錢，我地開定本票、另包封利是。
其實結婚開支都好睇各人既收入同要求，無絕對既~ 努力啦