係咪應該由我同媽媽傾掂數先呢?咁我BF唔在場有無問題?
其實已經開始攪緊結婚既野, 不過重未傾禮金問題..... 咁樣係咪唔係咁好呢? 好似先斬後奏>_<
不過之前問媽媽, 佢又話俾幾多都無所謂, 所以先無再傾, 打算遲下先再算.... 我咁做係咪唔ARM呢?

大慨既數一定要知，e.g. $10000 ? $30000 ? $50000 ? 100000 ? 好大分別架

個人覺得由女仔先以平時傾計的形式同自己阿媽講下先，睇下佢心中會唔會有個數先 (不過BY EXP，好多阿媽都會話: 我又唔係賣女，隨意得架喇！) 千其唔好信！用多少少時間，分開幾次同佢傾 (記住，唔好好似好FORMAL咁，平時食飯、飲茶時當傾計咁就可以了。) 一般傾過幾次之後都可以了解到要收的大約數字。

如果真係獅子開大口而男方又真係負擔唔起的話，都有2個方法可試的:

1. 直接同阿媽傾傾，俾佢知道男方的情況，現代的阿媽，好多都有得傾的  

2. 傾唔掂的話，睇睇有冇D阿哥家姊，叫佢地幫幫口，最緊要俾你阿媽知道一個道理: 你要獅子開大口，咪等於要賣斷個女，個女賣斷左，第時亦唔好怪個女同佢老公唔返黎娘家，亦唔好怪乜野"個女嫁左就好似冇左老豆老母咁"，所以佢寧可賣斷女？定第時多個半邊仔孝順佢？咁就佢自己諗了！

如果以上兩個方案都幫唔到你，UMUMUMMMMM~ 可能都冇乜計了

我個時marry , 我mummy無話要幾多禮金架 , 只係覺得我搵到個好男人就咩都值啦~~ 我老公比左$18000咋 , 我mummy仲覺得多左啦~~

我都擔心緊lee個問題, 問阿媽佢實話"隨意得架喇", 但唔多唔少我阿媽都會同佢身邊嘅fd compare....

本身我同bf儲嘅錢唔多..又結婚又買樓d錢真係啱啱好...所以結婚d洗費已經要慳得就慳....我宜家計過我阿媽有13圍到...如果我地又俾禮金再加13圍酒嘅人情...咁我地就冇錢買樓嫁喇....所以宜家打算同我阿媽講只俾禮...人情就要我地收返...用黎cover返油席....不過唔知佢有咩反應

我知道媽媽唔係獅子開大口既人
不過最衰就係... 我哥哥3月結婚, 佢知道哥哥俾左差不多六萬禮金人地
我怕媽媽會有比較
因為我地已經唔擺酒, 只係攪BUFFET DINNER (即係媽媽無要求要拎幾多圍酒席)
但我地最多都只可以俾得起20000-30000咋~
我打算叫媽媽唔好再買金器俾我, 咁佢就唔駛用咁多錢囉
唔知咁樣好唔好呢?

最怕話隨意......

搞 BUFFET DINNER 有無同你媽媽相量呀？
人情又預左唔俾佢知唔知？
有時，錢銀事小，但乜都無同佢傾就好似唔太尊重....