好多時會係天氣報告度聽到南澳以南、沙堤以南、北部灣以南………，總係覺得呢類地方都係極其荒蕪，好想有朝一日到訪呢Ｄ地方，望住個海半日，還吓心願………

點知真係有呢個機會，日前就跟單車版既一眾網友由沙頭角口岸踩單車往南澳， 追尋南澳以南………

出發，梗係買車飛先啦，永東巴士葵芳往沙頭角口岸，$35


成架車得三丁友，舒服屎呀，一個鐘就到



單車入左袋，我係………大袋，小袋係另一個網友既


時間尚早，搵間茶樓消磨吓時間先
叉燒包（早知你唔得，不過係都要試吓），香芋流沙包(幾好)，鵪鶉蛋燒賣（唔係我叫架，阿伯唔受得），仲有春風得意腸（車……原來係包住條春卷，騎呢到死，不過有創意）



一行廿多人，成條慢線霸哂


途中一個景點



到左大梅沙喇




唔話我知仲以為身處泰國



上左山，望返過黎大小梅沙


山上面應該係東部華僑城既風力發電場同玩樂設施



葵涌？咪即係可以返屋企？算啦！都係轉右喇！


水連天，睇極唔厭


途中不知名既海灘


躂哂皮



呢隻係鵰........定鷹呢，Oh......sorry！原來係鵬喎！到左大鵬啦


開飯喇！海鮮套餐，600蚊一圍，位位五十，大部份海鮮都係唔足月，未夠秤，未成年，未發育既，得啖笑













南澳都有海灘架


呢個有埋浮波


好在遲左出發，如果唔係實比佢嚇親



遠眺南澳


呢個島，就係傳說中既東坪洲嘞


一望無際，心曠神怡


仲可以掃貨


返歸lu，HK$60返到九龍塘，可以比人仔，都係60蚊，比港紙，找港紙，比人仔，找人仔，我大佢， 你有咁多港紙找咩，佢拎左一叠出黎揚吓揚吓，唔得佢死


本來計劃係會去埋南澳以南既西沖，來回只有廿多公里路程，可惜時間抓不緊，有緣無份，留待下次吧。

好好玩喎!! 不過你飲茶嗰度,D香芋流沙包D色水貢得人騖既!! 大佬,D色水發哂紫喎!! 個路牌指住有屏山,係咪我地HK屏山丫???

師兄，我都鍾意單車旅行，不過未有機會呀

另外，南澳以南好似唔係指呢個南澳，好似有另一個南澳島係福建果邊

師兄，用心貼post！值得一讚！

條魚都幾大條。 原來南澳都幾漂亮，很想去一次吃大餐。

上年暑假我都去了2日,南澳的沙灘望出去都幾靚,沙灘上面有大排檔,以海鮮為主.


沙灘旁邊有些賓館,亦有好多青年露營

仲可以出去上排/磯釣/艇釣...........

原來你地的單車摺埋就係咁嫁？　仲有袋添呀

南澳海鮮 算吧啦，　上次ｂ女都講過。。。
叫做去到咪食下囉

你由沙頭角可以踏？　要幾耐先去到沙頭角？成隊車隊，　好似好型喎，　日前？？？閒日都組到咁多人入去？

望海？？？？？唉，　有咩咁好望呀，　望幾日都悶死，　你望半日就夠啦嘛？　叫你日日住海邊，　日日對住海，　除左悶，　好潮濕，　的野唔ｃｏｍ擺，　仲有的羅絲生秀，　好多野好煩嫁
我住左１０幾年海邊啦

南澳太遠, 未去過.
Martin 兄仲踩單車 去南澳, 勁!