X Japan內訌 韓國演出延期
文章日期：2009年3月14日

【明報專訊】早前來港開騷的日本勁旅X Japan，原定本月21及22日到韓國舉行演唱會，但昨日其官方網頁公布演出要延期，向觀眾道歉。據報兩場演出合共有1.9萬張門票，近八成售出，主辦單位表示將會辦理退票手續，並指演唱會多數會取消。另一方面，X Japan在5月2及3日於東京巨蛋舉行的演唱會，門票也會押後開售。雖然他們沒有透露詳情，但有消息指因隊員內訌，低音結他手Heath可能會退出所致。X Japan在1985年出道，直至1997年解散，去年3月重組復出，更宣布舉行世界巡迴演唱會，但突然又傳來內訌消息，令歌迷大為意外。

文﹕黃錦華

X Japan根本就唔應該重組, 唯一重組的原因都係為錢。hide死左就已經再無X Japan啦。 Yoshiki唔識let go, 夾硬搵Toshi出來唱已經完全唔係當年X Japan的feel啦，真失敗! 今次heath要退出都好正常丫，仲有那隻Yoshiki 版hello kitty真係見到都把鬼。 希望快D宣佈永久解散X Japan 。

我都覺得係

無HIDE 真係差好遠 , 上次睇佢地香港 LIVE 見佢地体力都唔係好夠,見佢地好多休息時間,老了

係咪又係 yoshiki 太罷道出事? 點解又係 bass 手發生問題?

唉~
一看到這個報導真的有點嚇倒...

為什麼HEATH會作出這樣的決定...
可能真的出現很大的問題吧~

韓國那邊的FANS肯定很失望

heath都係個想玩自己音樂既人, 當初X-Japan話重組係表演性質, 無話玩幾耐, 都成年幾la~當年的promise fulfil左就得了, 其實大家心知肚明今日已經無左火花, esp當年介紹heath入X的hide已經不在了...佢想返去玩自己野都好正常je~

X 永遠都是一個留不住的夢

其實佢地之前果首新歌, 揾SUGI 彈結他SOLO 根本錯誤, 果首歌好無左果種X 結他SOLO FEELING

係heath同事務所ge問題..
唔係因為heath想退出x japan
詳細請去x japan world tour個post認真再睇下先

!