件事係咁.....我同佢識左差不多5年.....5年間一直keep住曖昧關係~
佢舊年因佢女朋友有左bb...就結左婚..(但冇註冊既)

大約3個月前...我地再次見面..(差唔多有1年冇見).....
果次佢呃佢老婆話要返工..就同我係出面過左一晚....
之後因一d問題..佢老婆知我既存在..但唔知我同佢做過d咩~
佢老婆打過電話比我....叫我唔好再搵佢...又話我第3者...

之後.....我都已經冇再搵過佢..佢都冇搵我.....直到我生日...
佢就打比我...之後我地又再keep contact返....

尋日我地又見面...其實都冇做過d咩...只係坐係佢架車到傾計...
都有講過佢老婆...大概都係講佢老婆好煩..迫得佢好緊...
我見佢個樣都覺得佢好辛苦咁....我係從來都冇見過佢咁既樣....
佢話佢而家唔出聲~係因為佢個仔太細個.....
之後因為佢要接佢老婆放工...就話9點半車我返屋企...
之後一路拖....拖到10點先肯走...不停係咁話"唉..仲有3分鐘"
"唉...d時間過得咁快"...好似爭取得一分鐘就一分鐘咁.....
最後真係要走既時候...佢好快咁錫左落我度....

其實...我真係好想知其實佢係純粹想偷食丫....
定係對我係唔捨得....有鍾意我....但在於佢有個仔係度佢冇得選擇....

佢又同我講佢呀媽唔鍾意佢老婆.....仲同佢講咁後生~再揀下囉~~!

有冇人可以答下我呀.............thx

結左婚...有左小朋友...
仲同你係出面過一晚..
萬一你又有左..
咁佢會點呢？

唔通你想搞到人地離婚..?  
其實不如你搵過第二個仲好啦'

樓主，自私既人係冇人鍾意，不過我覺得你首先應該保障你自己先，特別面對呢個有婦之夫，即使你鍾意呢個男人，畢竟佢有老婆，你同佢之間係唔會有純粹既愛，只會有搞唔清既纏累，對你、佢、佢老婆百害而無一利。

佢話佢同佢老婆關係唔好，呢D係佢同佢老婆既事，唔關你事，佢阿媽點睇佢老婆亦與你無關。如果你真係好愛好愛呢個男人，又唔介意做佢第二任妻子，佢個仔既後母，我建議你暫時同呢個男人劃清界線，唔好做第三者，等佢同佢老婆既事搞掂晒、解決好，你先再考慮再唔再同佢一齊，始終你冇立場介入佢地既家事，咁做對大家都比較好。

如果你擔心萬一佢同佢老婆離婚後唔要你，咁你點算？單睇你對佢既形容，你似乎係佢既首選，如果佢離婚，好大可能會揀你，否則呢D男人唔駛恨。ANYWAY，在我立場，呢D男人並唔係好男人，祝你幸福。

冇註冊但結左婚？既係點呀

收手啦施主...回頭是岸

衰D咁講，佢係極自私
對佢黎講，只係兩個"deal-able"既女人
只係果個女人「好彩」比你先中招
佢就扮晒唔做負心人咁，啃左果個
但因為唔想斷你呢邊，所以係咁係你面前話佢同果個關係唔好
係真唔係，鬼知？！
無論點睇，都無理由要做佢後備，有寶咩？
樓主更加無必要要俾人打黎鬧係第三者..
就算佢兩個關係唔好，都唔好俾機會人擺你上枱..