其實大家見到人地想cut線, 逮手示意請你讓一讓... 你地多數讓唔讓架?

我自己就因為新手, 又唔係成日可以練車...   
cut線信心都仍然唔係好夠... 所以會等到好大截空間先會cut...
但有時真係好"孟水"都未cut到... 唯有望人讓下...  
今日逮左兩次手人地都讓我...  

題外話... 今朝又蝦碌左...  
今朝我一轉完彎響中線, 但要入右線先可以再轉彎...
但我見右面個位唔夠過我的心理關口....
我... 我... 我... 第一次逮手叫人讓一讓... 人地真係讓我啊...
不過... 同時我老豆無我咁好氣咁大聲講: 你逮咩手嗟... 你響塊玻璃裡面逮手比邊個睇啊? 要逮出去先得架...  
車內其他人哈哈大笑...

我識一個人仲白痴, 佢想逮手示意唔該佢左后方讓佢既車, 仲要逮手既高度只係啱啱離開支波棍唔夠5cm 我坐佢隔離見到真係好想笑, 但又唔敢.... 因為佢好少氣的 哈哈哈

人地逮手多數讓 , 特別係一D大車同巴士 , 讓一讓人又無蝕底 , 何樂而不為 !

有D人遞手其實係老馮打尖我唔會讓                                                                                                                                                                                                                                                                                                                                                                                

市區逮手.....的士, 貨車, 小巴..睬你有味

我會讓 我讓人人讓我

十分好                                                                                                                                                                                                                                                                                                                        

人地遞手多數讓, 人人有禮 ar ma..