我聖誕先識呢個女仔, 但係都已經出果幾次街
幾次出街都有拖手, 不過又老是覺得佢係D就算啱啱識啲都會比較親啲人

有一次出街佢話'對住其他人可以好笑咁告白,但係對住我就唔可以認真咁告'
跟住bye bye咗之後就send咗個'喜歡你'的message過黎

黎緊情人節佢都話如果得啲話就出黎(佢果日要番學校整野)
仲話會送野俾我...

佢係唔係認真?我同佢唔同學校, 又大佢1年, 識咗亦只係個多月...
我係唔係都應該係情人節送野俾佢?又應該送D咩?

寫張咭啦, 咭可以好有心思
好過你唔知買乜好

下, 咁你係咪都鍾意佢先!!!!
你係的話咪買份禮物順便表埋白囉

大一年又點?
一年好少咋嘛
鐘意人就去馬追啦
情人節加油呀

真又好假又好
係有興趣咪去馬囉
真心假意到時咪知囉
Good Luck!

佢啱啱又話可能果日約人去果個法國大革命啲展覽
話我太難約
不過我今年會考啊,抽咗情人節果日出黎都已經好盡...
佢即係點啊?我實在摸唔透

ps. 我係讀理科, 佢係讀文科