首先講下我同老公既狀況,早幾年我兩次小產,第2次宮外孕,之後呢3年都不孕,最近排到期去醫院睇
醫生話我只能做試管嬰兒手術,佢話以我34歲既年紀,手術成功機會得4成,佢話唔知做幾次先得?
老公大我十幾年,雖然佢同我都希望有bb,但佢好老實同我講:
根本不想我做手術,除左要承受身體同
心理壓力,驚住手術失敗怕我再度哭多次,
試過老公返國出去開工,1個人係屋企,果陣時有左bb
,望住瑩光幕企身個人就會暈,向後傾,幾乎企唔穩, 姑娘量血壓又話正常
而且我做超市收銀,長時間企係度,如果有bb既話就1定要辭職,
其實我同老公係超市做都有份固定收入兩個人計埋1萬幾千蚊既收入,住公屋,無小朋友d錢就會鬆動d
,但係如果有bb話,就要老公暫時1個人打工養起頭家會好辛苦,
佢只道我唔死心,想有自已既bb,佢話我身體底子很弱好容易病,而且奶奶係鄉下住,媽咪又住得好遠,
到時兩公婆出去做野,bb出世又唔知俾邊個睇住?
且佢話就算無小朋友2人世界都1樣可以好開心,其實我應唔應該做手術呀?
冒唔冒呢個險?係咪應該聽老公講唔做手術?
我得中學程度,之前失業左幾個月,好不容易搵到呢份工,而且而家呢份工又做得很開心,經理對我很好
我驚住辭工,再出返黎做野好難搵工,我知而家經濟唔好
下個月頭要簽紙決定做唔做手術?可唔可以俾意見我呀
事關做既話我明天要同經理請假簽紙
