我老公其實對我好好..可惜...有一樣野我真係過唔到自己果關..

佢一次又一次咁令自己有債務
2年前向我求婚, 主動同我講, 會為我重新改過...
我一時比佢既眼淚同說話感動左..
下嫁比佢後,
真係同佢好開心...
但我慢慢又發現佢又出現e個情況
而家筆數愈黎愈大
令我最痛心既,
係佢一直都唔覺得有乜問題
我為左大家段婚姻,
一路啞忍..
到我發現岩岩有左...
我同佢講, 我地要為個囡囡打算..
佢唔可以再係咁..
但而家囡囡仲有四個月出世..
情況一路無改變
佢都無比我覺得,
佢無心想做D野為我同囡囡
一路由條數滾
無諗過一D解決方法...
我真係對佢一次又一次的失望
覺得真係要同佢離婚..
因為我要為個囡囡打算
我唔想囡囡有E D咁既老豆
但我個心真係好痛
我老公好似感覺到我想離婚
但....佢都係無做返D野..
只係想氹返我,,想我開心返
我要既野..唔係E D
係一個唔會違背承諾既男人..

佢唔識理財係佢既問題, 佢對你好好又係一件事

一個人既錯, 兩個人去解決, 咁就係婚姻

你見佢有問題, 就走..  咁你就走啦..

有D人真係唔識理財架
不如妳幫下佢啦

債務是"賭債"嗎?

如果是 : 早走早著

如果不是 : 如果只係生意上失敗 你幫佢理財不就是解了嗎?

佢點解搞到咁多債; 係一個關鍵
你講多少少啦

唔識理財,就應該將搵ge錢俾哂老婆,佢又唔肯ga je ...
況且樓主妳要走好快走,我見太多類似case ,江山易改,佢冇可能為妳改變ga  la.. 唔好以為有仔女後好D lor , 相反妳今日唔走,35,6歲先走,咁妳仲可以有咩,唔通仲可以搵過個好男人咩,妳要記住,妳35,6果陣,妳ge對手,係20-34 ge香港女仔,加20-34 ge大陸女仔...
仲有,好多妳類似ge case,最後係冇安全感而受唔住,一個俾唔到安全感女人ge男人,妳冇必要同佢捱lor
女人唔係唔同男人捱,不過要搵個值得ge, 如果個男人係好努力為個家,咁捱,就值得, 否則,就係令妳父母,令真心愛妳ge人傷心ge行為je...
仲有,好似妳咁ge女人,最典形case 真係36,7離婚,單親,仔女係單親之後變壞 ,家散lor.. 太多la ,可以話係個男人毀左個家,但亦可以話係妳唔信邪之過...
仲有,如果唔離婚,記得,錢一定唔可以過對方手,一個崩都唔可以

佢係咩原因欠債架問人借錢你知唔知

都唔諗下點樣去一同解決問題就先諗住放棄.一段婚姻係咪咁易就放棄.比你過到依關.下一個危機咪又係過唔到.

我...其實2年前..巳用晒我筆積蓄, 幫佢還晒筆債, (去左澳門豪賭) 我只但求佢可以重新黎過, 以後要好好理財, AND EVEN 比我幫佢理財..
佢向我求婚, 既內容都係..叫我以後管佢等等..
可惜, 婚後無幾耐...
開始...咁又欠債..
我真係唔知點解又欠左廿萬..
但我知道佢份人...好怪..
佢份工係經常唔係HK, 仲好多時要幫公司出錢先, 再CLAIM錢
但佢好似唔自在錢咁,
一向都唔CLAIM
佢由上年到而家, 我諗佢都無CLAIM過
果度有十萬多都唔奇..
我頭先問佢..
好唔好一齊好好咁傾下個問題
但佢好抗拒
叫我唔好理佢..
同叫我唔好對佢咁冷淡 (心都淡晒, 點會再熱情呀)
咁我話係咪要我一路唔知同你一齊過日子先岩
佢話係..
我好想喊,,個心好痛..但而家又係公司..
好辛苦

我係好愛佢..但我覺得我真係忍無可忍..因佢一次又一次挑戰緊我既底線..我好辛苦

佢都幾好野喎....一路都可以數冚數.....唔係咁易架.....