我同老公結婚兩年，一直都係同9962一起居住。相見好同住難，始終都想自己買樓二人世界。
老公問99借30萬，當然99絕對有經濟條件。
其實99借不借都好，我都不能勉強。不過最大問題係，只要99有什麼不高興，就用''買樓''做開頭，不斷鬧我老公，鬧佢三十幾歲人都無出息，講真我聽到真係心痛。
如果不借的話，點解仲要再提及呢？
99經常提起以前不愉快的事，跟住就喊到不收聲。
點解99會偏心個大仔(我老公係細仔)？
沙士時候，99都俾100萬佢大仔做首期買樓，係''俾''，即係不需要還。現在我老公只係想''借''30萬，佢都推三推四。

當然唔係啦！大仔生左兩個小朋友，無錢養。好彩大嫂有份野做，都生活到。奶奶每年都俾幾萬蚊大嫂做家用囉！

借9成, 自已買

如果真係相見好, 同住難, 我寧願租屋住住先, 等到將來自己有本事, 先再置業。雖然係屋企人, 冇得計, 但始終爭人錢都唔係咁好, 好似我姑仔咁, 當初就係佢奶奶幫佢哋俾晒層樓d錢, 佢奶奶話好過俾利息銀行賺, 每個月定額還返俾佢咪得囉！結果, 每個月準時還錢俾奶奶, 但都有說話聽, 例如, 買件衫, 買個袋都要鬼鬼鼠鼠, 唔俾得佢奶奶知, 去旅行更加唔駛諗,因為會有說話聽, "咁多錢買嘢, 不如還多d錢俾我啦！" ...好不容易, 終於還剩50萬, 但, 之後佢奶奶唔掂, 炒燶股票, 要佢哋按咗層樓俾銀行, 即刻俾返晒尾數佢, 佢奶奶仲話: 當初如果唔係我, 你哋有鬼得住呀? 而家唔係問你哋借, 係叫你哋即刻還..."    所以, 真係要三思...

講到底都係眼紅佢大哥啫~~

如果係眼紅的話，兩年前結婚已經問99借首期啦！當時(2003年)佢阿哥唔係無屋住先買樓喎，係佢阿哥唔鐘意住緊果度，堅持要買馬灣。
阿哥現在四十歲，唔洗俾家用99之餘，仲有99幫佢養小朋友，換轉係你會唔會眼紅？

Why don't you move out?  You can rent a flat or even a room or apply for public housing. It's a torture living with someone you dislike. All you want is 二人世界. You can buy a flat later when you get enough money.

如果攞到錢, 唔多唔少都要驪啲說話架啦! 其實妳奶奶都無講錯呀! 邊個叫妳地連30萬都無唧!

最慘係未必攞到錢，現在都要白白被佢鬧，仲要唔係鬧一次就算，係一想起就鬧，人都顛啦！

我只係心痛個老公成日被人鬧。就算d犯人坐完監出來，都會有改過自新的機會。假設我老公之前做錯過，都已經係過去，佢試過跪響地上被99打，現在佢好乖仔，努力返工之餘，過年仲幫手洗廁所、天花板。