呢排俾人催生仔, 諗到有D 灰灰地.......
由婚後銀行簿得番4位數, 到依家儲到D 錢想讀書, 男人有微言, 但都冇反對, 但係親戚朋友一人一句, 我父母恨抱孫恨到口水流到間屋水浸, 自己本身做FREELANCE 工, 一旦有左就好似冇晒前途咩都冇咁, 諗野諗得太多太耐, 顧慮太多, 結果連報名GEI 時間都MISS 埋, 想報GEI COURSE 明年請早... 男人公司未上軌道, 就遇金融海嘯, 一直幫佢手, 感覺自己好似廢廢地咁, 但唔幫佢手, 又要請個人, 開支又一筆.....
我有時覺得自己好自私, 淨係諗自己唔諗屋企, 但係回頭諗, 當年讀完書唔夠3年已經嫁左, 或多或少因為俾人催結婚, 依家催生仔, 係咪仲要順佢地意.....唉~~
依家唔知點算... 生好? 讀PART TIME 好? 諗自己先? 抑或諗屋企先? 你地係點諗...?

你心中一早已經有答案
如果經濟許可,生小朋友都係好事.最緊要經濟無問題

我冇答案, 但係開始有D 明白, 點解有D 女人生完丟低個仔俾人湊做工作狂都唔寧願做顧家的女人....

我地點諗對你重要嗎?

你的人生你主導 並唔係我地網友們主導

意見真的只能做參考而已 真的只能參考

你好似連自己想點 都未攪得清楚 再聽多0的意見 只會令你更加"混亂"吧

其實生唔生呢個問題 唔係應該婚前去諗既咩? 依家上哂車先來攪共識?

會唔會有0的打死狗講價呢?

或者我講野比較直和粗鄙的 唔好介意

教育小朋友真係一件好頭痛既事來的 真係有心理準備先好去做

你點會廢廢地呢? 你一路都有幫老公手呀! 就算你只係做一般文職, 得閒打o下字, 聽電話,......都有你的用處. 一間公司冇佐後勤, 係唔會run到的. 兩公婆一齊創業, 唔好咩!

生唔生仔唔關你家人事. 最重要係睇你同你老公的心態同經濟. 如果你o地依兩樣o野都未ready, 就唔好生了. 你阿爸阿媽想抱孫又點呀! 生佐邊個養? 邊個揍? 邊個教? 係你兩公婆呀! 其他人幫得你o地幾多! 所以, 唔好理其他人, 問返你自己想唔想生.

至於你想進修, part time都係一個好方法. 今年報唔到你想讀的course, 下年才報都可以. 學海無涯, 有心讀書, 年紀都唔係一個問題.

我真係想睇下你地對婚後前途有咩睇法~~
我兩丁友唔反對唔生小朋友, 響呢個議題上冇乜共識, 生一個用錢唔多, 但係心機就要極多, 可以唔理人點諗, 甚至同過家中口水堅講過因為剛開公司, 所以唔生住, 佢地口講都冇反對, 但係做女GEI 明知佢地口是心非, 好難再開口講明白~~
冇錯, 我真係唔知自己仲可以點行, 所以自稱廢人, 好聽D 講句就係御用閒人, 邊個入醫院, 邊個等傢俬, 邊個要我時我就會現身~~
自己GEI FREELACE 工其實真係好癈下, 一旦生仔就可以唔駛再諗~ 希望有好前境先至諗讀書, 依家連讀書都唔駛諗, 所以... 呵呵~ 廢柴一個仲可以諗乜好?

我個親戚其實由細睇到我大, 同阿媽極好感情, 新年時有說話俾我聽(其實佢係一番好意), 我知係我老母GEI 心聲(甚至懷疑阿媽有同佢呻過)~ 我直頭講明要讀書, 佢都係話<你讀囉, 但係要生>, 生左邊個湊? <你阿媽>~ 生左邊個養? <你呢D 唔好諗咁多啦>~ 生左點教先? <得啦諗咁多做乜呀?!>
其實呢個前途問題已經係一年前諗到依家, 上年年頭停埋藥, 點知半年後公司都未上到軌道, 已經遇到金融海嘯.... 搵錢已經唔多, 唔好諗上唔上到軌道, 過到今年都好好啦~~
係咪我諗得太多呢......

有早知冇XX, 有人會諗到金融風暴, 但冇諗過會係海嘯呢~~
其實, 我幾想知, 婚後GEI 女人會有咩前途....

每個人都有佢自己既用處的 過份自卑唔係一件好事

攪到自己咁悲情有獎金定獎品?

如果第時你生小朋友時 你小朋友又學你咁 我乜都做唔成了

呢樣0個樣 你點睇呢? 身家真係好重要的 小朋友通常學父母既行為和性格的

共勉之!