大學畢左業3個幾月終於俾我搵到份工吊一吊命

10k..雖則係大公司,但係只係一份臨時工,6個月就要byebye

好擔心,6個月後會點,唔知又要等幾耐先有下一份工

有冇人試過做完臨時工可以同一間公司轉埋做長工r...有既分亨下d經驗丫

你要留意的是，如果你表現好，有機會轉長工，所以你要努力﹗

唔緊要呀...可能你做得好佢加長你合約...
你人工唔錯.... 唔好咁大使...
多多少少草D錢.....唔好好似我
加油..加油..

6個月可能經濟好轉~大把世界~唔好咁灰啦

有得做好好架啦,,,
既然你都知淨係得6個月命,,,
咁就好好利用依6個月啦,,,
至少你知你幾時可以返下一份工嘛,,,

多謝你地咁postive既回覆呀!!!

我諗依家最困擾我既都係唔知自己黎緊想點發展,打d咩工
成日有人問我想搵d咩工,我都好迷茫,加上呢個時勢亦都唔到我揀
眼見比我早畢業既同學都有一份幾好pay既長工,兼且目標明確,真係好羨慕

anyway...依家都係唯有抱住見步行步既心態去面對黎緊既將來啦

我以前都係得6個月合約, 但係做咗3-4個月之後公司就主動同我簽長約做到e+. 反而有d同事做長工都捱唔到幾個月啦, 所以唔馳咁擔心, 盡力去做就得啦以後嘅事冇人知架 加油

6個月既時間 其實好足夠你去準備定下一份工

大家努力!!!唔好放棄

6個月後既事到時再諗啦~
你而家只係要比心機做好你份工~可能到時有好既野出現呢~
差d咁講起碼都有份工先啦~
比心機做住先~加油呀

人工都幾好呀，咪當呢半年係羅個經驗
有得賺咪賺住先，好過無野做                                                                                                                                                                                                                                                                                                                                                                                                                                                                                                                                                       

臨工有10k ......very god