邊個最愛錫你?
我父母一d都唔錫我,可能因為佢地環境唔好仲要生7個仔女,佢地為生活早出晚歸,我10歲時已經要買餸煮飯照顧弟妹,父母對我地只有打打鬧鬧,唔係一巴巴打咁少野,係綁住我地手腳,然後用粗騰條黎虐打,到中學仲成日成身騰條痕番學(果個年代唔興舉報虐兒),咁多年後半夜仲會發惡夢,醒來眼淚仲未停...
最愛錫我的當然係我老公,佢大我10年,我19歲識佢,好慶幸識到佢,佢不單愛錫我,仲教左我好多做人道理,例如,唔小心打爛野,佢只會關心有無人受傷,因為人的價值比物件高,回想兒時洗碗碟,偶一唔小心打爛打崩,必定招來毒打(原來在我父母眼中,子女竟不如一隻碗/碟)
我地結左婚成20年,有2個小朋友,到而家,佢仲係咁愛錫我!