二星fun會員
|
1#
大 中
小 發表於 2009-3-18 10:28 只看該作者
有關創世記,我認為好有探度同獨到既見解,
引用:究境是神創做人, 定係人創做神??
創世記係聖經第一章第一頁, 即係話成本聖經都係建基於呢個大前提.
咁如果個大前提係錯, 就即係成本聖經都可以推翻.
呢d 係最基本哲學推理.
咁我地睇下創造論有咩唔合理地方.
根據創世記所言, 神創造次序係:
1. 陸上植物 (包括草, 花朵, 果實)
2. 海中生物 (包括魚類, 哺乳類)
3. 飛鳥
4. 陸上動物 (包括爬蟲類, 哺乳類)
5. 人
細看呢個序列, 我地發覺一個有趣現象.
假設你係一個生存於五千年前部落酋長, 冇現代知識.
有村民叫你解釋萬物點, 你都會好自然咁依照創世記次序答佢.
第一, 創造任何事物, 都係由淺入深, 先造簡單, 再造複雜.
第二, 無知人眼中, 各種生物之中, 植物一定係最簡單.
因為佢成碌木咁棟度, 又唔識叫唔識走.
其次就係魚蝦蟹d 水中生物, 呢d 呃唔到人, 一開就立見高下.
雀仔又比魚高級d , 起碼佢地識飛.
再複雜d 就梗係陸地上野獸.
所以聖經呢個創造次序絕對唔係巧合, 但可惜係大錯特錯.
對於生物出現次序, 地球歷史又記載d 咩呢?
不過講之前, 要提一提有關基督徒對進化論重大誤解.
對進化論最不公平指責, 係話進化論只不過係未經證實推論.
冇比呢個控訴更脫離現實.
事實上, 進化論雖然在細微之處有待修正, 但大方向已經被證實.
而且, 進化論並非只研究生物, 仲要從地質學, 氣象學, 基因學等互相印證.
詳細理論唔多講, 自己搵書睇.
另外, 又有人話進化論解釋唔到無中生有呢個現象.
冇錯, 因為呢個唔屬於進化論範疇.
但有另一套 chaos theory, 可以解釋 disorder 點樣變為 order.
呢套理論之下, 生物出現並非億萬分之一偶然機會, 而係有其必然性.
而 chaos theory 係1980年前後先出現, 後知後覺基督徒唔知唔出奇.
我中學時期參加過基督教聚會, 當時佢地講同今日冇乜分別.
幾十年如一日, 而人間知識以幾何級數增長, 想唔話佢地脫節都唔得.
言歸正傳, 睇番創世記同生物進化史不符之處.
未有其他生物之前, 陸地根本就唔可能生長任何生物, 連青苔都唔得.
當時地球冇大氣層, 太陽紫外線強到可以叮熟任何生物組織.
咁環境之下, 唯一可以有生存空間地方係深海深處.
陸上植物要等到海苔釋放足夠氧氣, 再轉化成足夠臭氧, 至可以生存.
所以話陸上植物出現早過海中生物, 壓根兒係錯.
有陸上植物, 唔等於有開花結果植物.
植物要生產花果, 必須消耗大量養料水份.
而眾所周知, 花果係植物用吸引昆蟲動物幫助傳播花粉種子工具.
如果陸上冇其他動物, 又或者d 動物尚未發展高級嗅覺同味覺,
大傷完氣花果就真係俏眉眼做給瞎子看.
所以, 花果冇可能陸上動物之前出現.
而家已經被科學家證實, 雀鳥係由恐龍進化而成.
咁唔通恐龍唔係陸上動物咩?
點解聖經會話飛鳥出現得早過爬蟲走獸?
好明顯, 聖經又擺一個大烏龍.
隨隨便便都搵到幾個錯誤, 咁你話創世記有幾多成可信?
大前提都錯, 成本聖經又有幾多成可信?
所以如果你話神創造人, 可信程度甚低.
相反, 話人創造神可信度就高得多 我認為:[
非常之有深度. 獨到既見解,
]
|