事發係近日的晚上，我係旺角其中一個分店做，有一對貌似內地人士（講廣東話）來買野
老公已排隊付款，當準備離開收銀位的時候，我亦叫下一位要付款的先生上前
太太又話要加多一件要買（我入職左約一個月，我之前試過比同事話我，如果係之後加多或分單都要再排過，仲要係比唔止一個同事話〕
我就同對夫婦講：「唔好意思，請你排過隊.」
之後個女就係咁鬧.....我前面果個先生就好心幫我，佢對個女話：你鬧夠未，香港係咁架啦，要守規矩架啦
個女就鬧返佢：關你咩事？
佢地都好有火氣咁對鬧（內容唔記得，但之後但女就鬧個幫我架男客癡線；而個男就鬧佢係大陸妹）
我就立刻叫幫我果個話算啦，唔緊要；同時叫個老公：唔好意思，le邊幫返你（我指向我旁邊架另一部收銀機）
幫我果個比完錢就走左，但個女就係鋪鬧左我半個鐘，之後我就比個副理叫左入房
個副理話唔知我有無錯，但令到兩個客都係因為你而鬧交，你唔應該繼續收錢，要同佢講左聲唔好意思先，又要同佢講阻佢一陣，換頭幫佢收，佢就唔會咁火
又話如果我係個客，去到超市買野，你已比晒錢，準備走，你個朋友又話要架多樣野，個收銀叫你再排過，你會點？我真係好想答佢：我唔會咁做！我會叫我架朋友再排過，因為le就係規矩，等同你去等車，你唔會見到個識就唔排隊一樣
果一對夫婦其實最煩係個女，個男其實知道我無做錯，所以成件事佢都無出過聲，只係個女唔順氣！
