二星fun會員
|
13#
大 中
小 發表於 2009-3-26 10:01 只看該作者
會員︰澄雪 #74 引用:1.好處
容易識到好多好多人, 仲要係各種類型既人都有
就好似向大海丟一個大網咁, 對於日常生活圈子狹窄既人來講
通過網絡可以大大擴闣自己既交友圈子
而且網戀亦適合一D講說話唔叻, 當面唔敢去識朋友或者表白既人
透過network會比較自在咁表白, 然後開始一段關係
2.壞處
因為真係太多唔同類型既人啦, 好多時網絡上既角色並唔代表真人
就算對方唔講大話, 因為網絡係好講究自己去表現自己
所以透過網絡去認識, 只係可以認識到對方想你認識既部分
正如佢捽住腳指來上網講我愛你佢都唔會話你知佢捽緊
你無辦法單單透過網絡就真正咁認識呢個人
而且因為網絡識人太容易, 亦令到有D心地唔好既人, 會專登用呢個方法去呃人
所以遇到騙子既機會都會更高, 因為你會比較難去發現佢既漏洞
同時佢又可以同一時間同十個人網戀你都未必知
因為一個人響網上可以有無限咁多既身份, 只要佢鍾意
3.經驗分享
我自己就無試過, 不過以前玩online game識左一個姐姐
佢就係響遊戲度有一個男朋友, 係現實都有見過面, 甚至發生過關係
不過佢地現實無乜真係聯絡, 反而都仲係好依賴響網絡談戀愛
結果佢男友有成3個月電腦壞左 (事後先知), 打比佢又搵唔到人
佢就以為男友失左蹤, 結果比第2個男仔追, 佢就同左另一個一齊
之不過第2個男仔根本就係對佢唔太好既, 連去開房都要嗰個姐姐比錢同登記
佢覺得想分手既時候, 佢男友又出現返, 跟住佢當然係想同返佢男友一齊
結果搞到好似做戲咁, 男友響網上都照幫個姐姐趕走嗰個男仔
嗰個男仔比人飛唔甘心, 響game度將個女仔既全名同聯絡電話都爆曬出來
仲唱佢係雞, 同好多男人一齊過, 搞左好耐先平息
男友表面原諒個女仔, 其實都好mind, 私下同我講佢其實已經唔信個女仔, 唔愛佢
之後男同女又各自搵食, 另外同其他人網戀, 總之就亂到不得了.
其實打online game就會見識到好多網戀
但係多數都係無結果, 同埋易來易去咁
得少部分人係有好結果, 嗰D人多數都係由網戀變返做正常戀愛既人, 長時間之後先結婚
5.疑問
我自己對於純綷既網戀係唔信任既, 但係通過網絡去識朋友的確係一個好方便既渠道
所以如果響網絡識左一個人之後, 真係變成現實既朋友, 慢慢再互相了解之後發展出來既感情
先會比較實在D
|