1) 簽證 - 我地用緊特區護照,要簽證吧? 要幾錢?
以前簽證要去銀行入左錢先.... 宜家好似係網上搞? 去美國領事館個website 睇睇.
咩情況下唔批?
帶唔齊證件. 你地去honeymoon 應該好易批.
簽唔到d錢都唔會refund? 要搞幾耐?
唔會refund, 一個朝早搞得掂架喇
2) 機票+酒店 - 經旅行社會方便d嗎? 比自己訂貴d?
yes. yes.
其他有分別嗎?
online 訂會平0的同埋自由0的.
酒店walk-in價同係hk book有冇唔同?
我男友做酒店, 佢提過walk-in 價 = 海鮮價
我諗hk book 點都貴0的. 我地0係三藩市住, 去玩都係上網訂定酒店.
如果想平d, 有咩地方可以代替酒店? 安全嗎? 如果到達至搵容易嗎?
motel, 你揀0的集團性既都好安全. 例如day's inn, comfort inn, best western, 都係平d 又ok.
我個人覺得motel 6 係最渣, 有次陪香港朋友去L.A. 間motel 6 都ok, 好方便.
你地唔渣車, 到達至搵會比較麻煩.
你去priceline.com / travelocity.com 個0的搵下酒店, 格下價.
唔記得上面兩個收唔收手續費. orbiz 會收手續費.... hotel.com 都會收....
3) 出發/回程時間 - 應該搵"早機去晚機返" or "晚機去早機返"?
香港<->美國: 無意見
內陸機我會揀超早機(6am), 到步又可以避開塞車時間(7-9am.... 同香港差唔多), 又唔會浪費時間玩.
4) 行程 - 我地預大概10-12日, 想去西岸, i.e. 拉斯維加斯, 大峽谷, outlet, disneyland, 三藩市..應該點plan?
去拉斯維加斯 & disneyland, 各一日ok嗎? 要唔要book酒店?
5) 交通 - 應該坐咩交通工具最平? 有冇咩one day ticket 可以比我地穿梭以上地方?
香港 (飛機1 日) -> 三藩市 (2-3 日) -> gilroy outlet -> L.A. (2-3 日) ->
Disneyland (1-2 日) -> (desert hills outlet) ->
Las Vegas (+ outlet) + 大峽谷 (2-3 日) -> Vegas 返香港 (飛機1 日)
咪住先.... 依個係自駕遊, 自己渣車係最抵. 如果你地唔想跟local tour,
可以買內陸機票+搭車; 如果唔搭飛機搭greyhound, 朋友搭過話要十幾個鐘, 又危險喎.
0係san fran 搭BART (地鐵) 往返downtown 既hotel, 0係downtown 搭cable car 往返景點.
例如pier 39 / union square.
搭內陸飛機去LA, 我覺得virginamerica.com 最抵, san fran -> LA 大約US$64.....
(預早 3 weeks 前book 最平) 上網book 定super shuttle 往返機場/酒店.
LA 交通好差繁忙時間塞車塞到癲(好似香港咁), 出門預清楚時間好d.
Disneyland 如果唔住disney 既酒店, 我會suggest 你住Park Vue Inn,
過條馬路就係Disneyland, 大約$110 / night, w/早餐. 如果住遠0的都得呢....
我地之前住過Buena Park Radisson. 佢地有free shuttle bus 去Disneyland,
大約每個鐘一班車咁. 大約坐10 分鐘shuttle bus 就到Disneyland.
個陣住King suite, US$650 / 3 nights, 包早餐, 包free shuttle, 包埋兩張5 days
Disneyland pass, 個兩張pass 都要三百幾蚊美金.... 最正係個pass 有magic
morning, 比public 早1 個鐘入場, 成個park 好似係你既咁, 好開心好開心!!!!
如果鍾意刺激, 我suggest 你去埋California adventure 個邊, 好好玩.
記住拎fast pass. 我地次次起碼玩兩日先夠..... 玩完人都散晒, hehe.
記住去city hall 拎個"just married"既button. 好靚架, 係灰姑娘同prince charming.
如果你地係1st visit, 可以去其他舖頭拎個1st visit button.
有0的地方要booking 先有位食飯, 例如ariel ghetto (佢地餐廳個button 係4 位公主).
上去Disneyland 個官網睇睇丫.
LA 去Vegas 唔知你地搭唔搭飛機.... 平時我地都係直接搭飛機去, 再渣車去Vegas.
LA 有local tour 去埋Vegas. 如果你地想搵中國人既tour, 可以搵翠明假期, 都幾大間.
(我未試過跟local 團, 朋友話ok)
Vegas 我鍾意住redrock hotel..... wynn 同venetian 係就係靚, 不過澳門都有咯.
如果鍾意睇opera, venetian 既phantom of the opera 超好睇.... 記住上網搵coupon code,
平US$30-40 架. 但係redrock hotel 離strip 好遠, 都係住番on strip 好d. 唔好住sahara 呀....
有次住sahara suite.. 又話咩beatles 住過.... 哎呀.... 住左一晚我出疹呀....
我覺得wynn 個buffet 幾好食, 唔好去paris 食.... 上次食到我地兩個都肚痛....
成晚抱住個toilet.... 嗚~ Vegas 搭的士往返機場同strip 都ok. 白老虎同埋bellagio 個噴泉出名.
0係MGM 搭去十幾蚊就得. 機場去strip 都係廿幾蚊, 同搭shuttle 差唔多.
當地都係搭的士或者行路. 都係酒店駁酒店, 行下行下好快就到.
跟住你地可以0係酒店join local 去大峽谷.....
我地次次想去, 搵極tour 都要百幾蚊個人, 覺得好貴, 無去到.
然後直接0係Vegas 返香港..... 咁就唔駛走回頭路
6) 購物 - factory outlet 嘅嘢抵嗎? 會唔會好老土? 另外, 有退稅嗎? 邊d shop 有得退?
美國無得退稅..... 撞正sales 0的0野都幾抵. 好似polo, tommy 依0的美國牌子會好抵.
0係san fran downtown 店賣成$60 既polo shirt, 0係outlet 賣$20-35.
好長氣添..... 希望幫到你地! enjoy!
