如果你屋企有兩個或以上既小朋友，請留意...

早兩日，聽電台有個家長分享。佢屋企有兩位小朋友，一個8歲哥哥，一個3歲弟弟。

話說哥哥因為弟弟既出現而唔開心，仲會同婆婆講：最衰細佬！細佬攞晒最好既野！

可能大家都有相似既情況，要安撫哥哥 / 姐姐，當中方法有好多，但千萬唔好學呢位家長....

媽媽同哥哥講：你唔好咁啦！你已經比細佬享多左5年既父愛母愛啦！！唔可以咁小器架。

.......

我聽完真係呆左......                                                                                                                                                                                                                       

我睇完之后都覺得佢媽媽點解會咁講...
因為我自己本身都有2個小朋友,但佢地2個玩得好得開心bo r...                                                                                                                                                                                                                       

其實我都真係唔明點解個媽咪會咁講，思想好唔成熟，
咩多五年來享父母之愛呀，佢咁樣講，個哥哥可能會更憎個細佬！！
我都有三個小朋友，如果知道個大既咁講，
一定會同佢講，”你地都係我生，都係我最愛錫既，我點會只係攞最好既俾細佬”
可能我ｄ小朋友年紀相近，都係差歲几，而我平時行街買嘢都會買三份，俾嘢食時都係一樣咁多一樣咁既嘢，所以冇咁既情況出現，偶然爭住來詐驕抱抱都有，但唔嚴重！！！

leaf55做得好                                                                                                                                                                                                                       

我都有2個小朋友，大仔6歲半、細女1歲半。自我細女出世到而家我個仔都好鍚妹妹，又留d零用錢買野俾妹妹，又主動分d食物玩具俾妹妹，佢仲話佢最鍚最鐘意妹妹。
可能…一來哥哥佢本身性格愛分享，二來佢每次對妹妹好我都會讚佢話佢乖同話佢係好哥哥。
不過有時都會有d over左變得有d煩…成日鍚妹妹面仔，鍚到阿妹發脾氣…一起身就要睇妹妹成日整醒佢…
不過見到佢地咁相親相愛，好sweet                                                                                                                                                                                                                       

你真係一個好媽媽！

我都呆左

死啦.....我真係咁同亞女講添,不過嗰個係女麻女麻,我女自細女麻女麻湊大,所以佢去湊叔叔個仔我女'hap'醋....
咁我同亞女講:唔好咁小器啦,你都霸咗女麻女麻咁多年囉..... 女麻女麻最錫始終係你.....

c子，我估你個情況有d唔同。

你個講法，係想叫女女明白唔可以「獨佔」要「分享」；但我講個一位家長既講法就係「你已經賺左好多以後攞少d你都要認命」，相差好遠呀！

我細佬出世果陣我亞媽好都咁同我講過
果陣雖然已經12歲
不過我聽到都係好傷心

家長有無諗過
做大既都係一個小朋友, 佢都要人關心
點解大個幾年就要付出去照顧個細佬妹
哥哥姊姊每每係被迫去長大,迫住要自立
可能係好事,但佢地好大機會會討厭個細
之後又比父母話唔乖唔識諗
唉... ... 哥哥姊姊都有小朋友年代都要過5,6,7歲小朋友
何必要迫佢地去做個小大人,何解唔比佢地做個被人注意既小朋友

父母怕個大好悶時, 又要佢去照顧個細
唉... ... 除非父母真係可以好公平咁去照顧及對待每個小朋友
除非你可以唔講 "你係 哥哥/姊姊 要照顧細佬妹架"
佢都係你個仔女, 佢都想人人照顧 人人愛