近期兩個仔都出黎做野, 發覺成家人都唔同區做野, 番工放工 都幾煩. 依家搵緊樓, 又唔知搵邊區理想, 大家有冇好提議?


我地依家住緊屯門區
老公番元朗入面的貨櫃場, 朝朝6:00起身番工, 自己有車, 收工就冇定時架啦.
我係屋企附近番工,可以唔使搭車, 番7:30-4:30
兩個仔就番北角 9:00 - 6:00
兩個仔朝朝6:30起身, 搭960去到灣仔轉巴士過北角, 好遠, 朝朝都係岩岩好, 收工番到黎都8:00

我覺得兩個仔大左要出去做野,番學. 住屯門佢地好似好唔方便. 依家考慮緊搬, 但係又唔敢供咁大銀碼, 心目中都係100萬樓下.但係始終唔知邊區可以就到, 大家有冇好提議?

100萬樓下 冇乜kln/hk 區....

屯門就搵到,真係唔知市區咩價                                                                                                                                                                                                                        

老公 : 元朗
樓住 : 屯門
仔仔 : 北角

好難就 wor!!!!...新界唔係....九龍唔係...香港唔係

一動不如一靜，另外搵樓應該去地產討論區，另外屯門交通都好方便係交通費貴少少。

我唔係想係度搵樓，只係想睇下大家有冇類似情況可以分享一下姐．如果我同老公黎計就一定住番屯門啦，不過見阿仔一日花四粒鐘番工放工，心痛的姐．

樓主，孩子有否話返工嫌遠，我眼見好多年輕人常常轉工，我家姨甥全港十八區都做過十個、八個區，都冇聽過佢屋企話要搬，他住北區，返工要返跑馬地都好方便啫！

不如搵咗附近有冇村巴返北角仲好啦！                                                                                                                                                                                                                       

100萬樓下係屯門就ok!!
都係算啦!!你d仔遲早都會搬咖啦!!