我同我老婆一齊兩年幾, 大家識咗唔夠半年, 因犯事雙雙被判入獄兩年幾, 因此天各一方!! 佢早我四個月出冊, 之後只收過佢一封信, 然後就音訊全無!! 原來佢同咗一個女人一齊, 我出冊嗰日, 佢嚟接我, 因為嗰個女人不久前入咗去坐監,佢無家可歸!! 我俾佢氹咗幾日, 終於忍唔住同咗佢上床, 就咁就同返佢一齊, 不過一直都好有戒心, 知佢只為生活而同我一齊!! 期間我多次發現佢同其他男人單獨來往, 嘈過好多次!! 數月後佢再次染上毒癮, 我成份人工都唔夠佢食!! 個女人出冊佢離開我, 同返佢一齊, 兩個都有毒癮!! 佢每隔幾日就會打俾我問我攞錢, 我唔忍心見佢咁辛苦, 就俾錢佢, 每次出到嚟都係錢一到手就閃!! 好多時約好又放我飛機!! 我生日嗰日, 佢應承陪我過12點, 佢出到大話連編呃走晒我僅餘的$700, 跟住一去不返, 仲攞走我生日蛋糕的餅咭, 搞到我冇蛋糕又冇錢, 佢幾日都冇聽我電話!! 我地分開咗兩個月, 個女人再次被拉, 然後又曆史重演!! 至今佢依然同我一齊, 我人知佢四圍勾佬, 但無憑無據, 都幾難質問佢, 大家有冇提議呀???