今次呢個post ..我真係好想同大家分享我既經驗...
我上兩個禮拜好好彩咁拎到十年visa..
咁點解話"好好彩"呢...成件事係咁既...
係我開始諗住搞簽證既一個禮拜..
我已經開始係呢個forum到睇料..
點知.好多人都話單身女仔.係好難成功!
我個心即係好驚!(因為已經交左$1040)但係都冇法喇.都交左錢喇.唯有睇下d post.睇下有d咩係必帶既文件.
必帶既文件有:
1)DS-160 application form
2)申請費銀行收據﹑3)護照
4)Passports containing 美國簽證(如果你曾經獲得美國簽證,不論是否還有效,請一同遞交)
5)預約確認書(請看以下步驟)和(6)可提供證明的文件。
由於我係單身女仔&學生.所以我帶左學校信.爸媽既稅單同銀行存款記錄(作為我既可提供證明的文件).一張相(因為upload唔到).
我個日約左9:30去.但係8:15就到左.
一去到心諗.快快手見完.之後再返學.
點知一入到去.嘩!已經有好多人排隊.當我排到去交form個陣.已經8:50.
之後就check bag. 打指模.等見領事.
可能今次.係我第一次簽visa.所以覺得好好奇又緊張.
一入到去.發現好似普通銀行一樣.個個人都等叫number.
因為我英文唔係好得.所以都睇下d人點做.睇睇下.
發現d人行左去counter之後兩三分鐘就去郵寄個度交錢.
終於都叫我喇!個領事開頭問左我4條問題都幾順利:
係咪一個人去?
去美國仲咩?
有冇親人?
係咪讀緊書?
但係之後就開始出事.佢問完4個問題之後,走開左.叫左另一個領事黎睇下我既資料.我即刻好驚.好驚佢唔批.跟住佢又問:
我爸&媽做咩job?
我照答喇.
跟住再問:
點解你丫爸同媽可以俾到錢你去玩?
同埋知唔知佢地搵幾錢個月?
我即刻啞左.不過.我記得我有帶爸媽既稅單同銀行存款記錄.
我咩都冇講.即刻拎出黎俾佢睇.之後佢好似好無奈咁批左比我.
最後呢個見領事既環節.我足足用左8分鐘.比其他人多兩倍幾!
就係咁.我簽證既過程就完左.
希望我既經驗可以幫到d第一次簽證,而又係單身女仔既人喇!!
p.s.
我要多謝.曾經回應過我d 有關簽visa post既人!!
佢地真係幫左我好多丫!!thx!