打印

有個咁既姐姐大家會點處理

石阪店

一星fun會員

Rank: 2

1^# 大中小發表於 2009-3-26 11:36 只看該作者

有個咁既姐姐大家會點處理

我姊姊在內地讀五年讀完大學上年7月番黎...
她回來我父母都很開心終於見到仔女都大了可以出來工作賺錢...
但原來佢因為唔合格所以未拎到張証書補考後要一年後才能拿到......
我父母當然免不了會話佢......但最後都算啦...搵野做住頂住先....

之後她沒去找工作後脾氣越來越差...白天時常在家和我媽媽吵架...有的時後很小事便罵我媽媽
而且說的話很難聽...時常叫我媽媽去死啦...我在旁聽到經常到忍著...因為我一出聲大多情況下都只會會越吵越大......
直到有一次她對我媽媽說:「你再煩我我即刻去拎把刀插死你...我講真架...你試下再煩我呀...我咩都做得出」...
我媽係煩...但都唔可以咁對佢講野架...佢養你咁大你成日叫佢去死...而家仲咁講野...妳有冇諗清楚先講架
我聽到即刻忍唔住好大聲講左句:「你小心D講野下....」...他說:「關你咩事呀!」
跟住當然是罵戰.這是他回來三個多月第一次和他吵架

受到刺激後她想通終於去了找工作....找到了一份臨時工三個月做住...人工5XXX到..但都叫有野做住有錢賺.一個月仲有比屋企2000蚊添
他找到工作後爸媽好開心...爸媽開心的不是他拿的2000元的第一次家用...而是她有工作...
我見到都好開心...起碼她有工作就唔洗成人係屋企屈下屈下少少事就搵我媽媽發脾氣...

三個月後她的臨時工完了...臨時工打電話來叫她繼續做落去...但她卻沒去...但又沒去找新工作...我爸媽當然又出聲了
問他點解唔繼續去做....佢話人工少...話唔想為個少少錢咁辛苦...食得飯搭得車黎都沒咩錢....
(跟佢咁講我讀書時做PAST TIME兩三千蚊都係多餘啦.同埋唔知係咪因為我好彩搵得比較多錢..一個月比到一萬家用屋企.所以相比下佢覺得佢自己份工少人工所以緊加唔想做)
之後提議他一去搵份賣衫既多錢少少既做住先...佢又話唔做...話學唔野.....
(我覺得佢係睇唔起某D職業......佢睇唔起D 做SALE既...佢仲層經罵過我阿媽話佢一世做死看間沒出息...都唔知佢食咩米大.....)
咁搵份文員囉...但佢沒証書又沒膽去搵...之後又係懶係屋企日日睇埋D台灣綜藝節目同追劇

一段時間後我阿媽又開始叫佢搵工了...佢就罵我阿媽發錢寒想要佢快D做野比家用之嘛....
我阿媽話唔係想要佢D錢...而係想佢出去做野唔好成日係屋企越變越懶......
我阿媽仲同佢講...叫佢出去做野唔洗佢比家用...叫佢自己存起佢就得...
我姐姐竟然對我阿媽話...:「既然唔洗比錢你即唔係唔關你事啦...都係我既事姐...你都冇錢收囉...唔關你事你就收聲啦!」
(聽到我真係覺得佢不知所謂..完全唔明佢諗緊咩)

我阿爸話佢:「你讀書洗左我幾多錢你知唔知呀...而家日日係屋企對住部電腦玩仲有食同睏」
我家姐話:「讀書個D係錢係你自願比我架喎...唔係我迫你...一係當初就唔好比我讀...你自願比我讀就唔好拎番出黎講...做男人做到你咁小氣...」

我終於忍唔住同佢講左句:「你唔番黎呢五年咪好好囉...一直屋企都唔洗嘈...你番黎後咩都冇幫過...只係搞到家嘈屋閉!!你永遠係個到讀書唔好番黎最好」
跟住佢就話我虛偽話我扮野話我講佢是非......之後又係嘈交
我明白我講既呢句野都好唔應該好傷人心......但佢既無理取罵真的令我忍不住
只此後半個月以來的今天我沒和他說過一句話...他也沒再敢在我面前亂罵我媽媽

我以前中學時一樣成日好易同父母嘈交...但我長大都學懂了...要好好對父母...
雖然佢地係粗人唔識講野...但佢養到我咁大對我地既關心...個份心意我完完全感受到....
我知我呢一世點還都還唔到......但我會盡我既努力報答佢地....

我姐姐今年26歲了...我真係唔明白佢諗咩...
如果你說的話是一時口快我希望他以後想清楚再說出口
如果佢講既係佢諗既我覺得佢已經無可教藥..
幾時先可以唔再激阿爸阿媽...一次又一次令媽媽哭出來....以前又係咁讀完書番黎又係咁...
見到媽媽因為佢既說話傷心真係好唔開心....我真係唔知可以點做....

TOP

tarOtar

一星fun會員

Rank: 2

2^# 大中小發表於 2009-3-26 12:16 只看該作者

26歲原來個腦都仲係個屎忽樹

TOP

石阪店

一星fun會員

Rank: 2

3^# 大中小發表於 2009-3-26 12:48 只看該作者

我阿爸成日話佢有搵但搵唔到野做係一件事...唔去搵野做個下是係最衰
我明白佢有佢自己既煩惱...我成日同我父母講唔好日日俄佢...比D空間佢佢大個人自己識諗架啦
(主要係唔想父母一同佢接觸又比佢拎黎亂出氣 )
但媽媽連叫佢出黎食飯飲湯佢都可以尖叫嘈一餐......

我只望佢早日發達般出去等我父母唔洗再為佢咁辛苦...