最近媽媽知我新識左個男朋友..
她就已經開始問長問短..好似查佢家宅咁..
可惜的是男朋友的一切不如她所願..
所以他很討厭他..而且經常比說話我聽..
經常與其他人去比較..想我同佢分手..
因為她希望我可以找一個比我能幹的男人..
將來唔洗我挨..唔洗辛苦..
但男友一點也不生性..無學無業(唔主動搵工)..
只知道他對我出自一夥真誠的心..

媽媽是個很傳統的人...認為拍左拖就一定要結婚..(但我只得廿歲.有排都未談婚論嫁)
所以依家已經同我講定同佢結婚就點點點辛苦..點點點捱..
雖然我將來真的想下嫁男友.. 但將來的事冇人會知...
可能將來我地是旦一方會變心或其他原因而分開..

我淨係知道我依家同男友一起很開心很幸福..
但同他真的看不到將來..(這是真心的說話..我愛佢都係咁話)

或者女仔係米真係細個係盲目去愛..但再大少少先重視物質..

天下的父母都希望自己兒女開心幸福..
難怪跟一個"有錢但相處得不開心的人"一起比一個"真心愛自己女兒的人一起" 開心和幸福嗎?

我尋晚對她說：你唔好成日提呢件事啦..我好大壓力..
她說：我仲大壓力過你呀..

唔想佢咁唔開心..咁擔心..有一刻唸過分手..但這念頭很快打消..
因為我唔想放走一個待我好的男人..    我真係好難做..Help

作為家長的你..如果我是你女兒..你又會如何做呢

個個阿媽都想自己仔女將來唔洗挨,唔洗辛苦,我覺得無錯窩!!
再來,見到你穩個敢的男朋友,係做阿媽的都吳中意啦!!
窮吳係問題,無上進心先係最大問題.

我e+答妳  我會同妳阿媽做同一件事
因為我係過來人   以前我阿媽都係反應我同前夫一齊
但係當時既我同妳e+一樣咁既唸法
但我前夫會搵野做   都算做生性啦
結咗婚之後   我地因為觀點唔同
再加上經濟上出現咗問題
冇錢就乜都唔係  就連幸福都冇
呢點妳要明白   冇人想子囡唔好
佢錫妳就得啦咩?  佢唔返工  唔搵野做
要妳搵錢黎養佢  跟住口講錫妳
咁就ok 啦咩?  咁就叫幸福
妳太天真啦   當初我何嘗又唔係
e+我睇通睇透啦  
妳話拍拖唔等於結婚
莫非妳想玩玩下  妳阿媽之所以會哦妳
係因為佢怕妳會越踩越深
正如我e+都未完完全全走出黎
希望我呢番說話可以幫到妳啦                                                                                                                                                                                                                       

你呀媽啱,妳好天真,好傻,呢個人工都唔去揾,目的想食軟飯乎？速速換畫喇！

妹~ 自已顧自已已夠煩
仲要顧多個... 除非你真係愛心爆棚, 母愛到不得了
否則總有一日你自0已都會頂唔順

唔生性、無上進心、唔揾嘢做係最大問題!
日日對住你,口講愛你惜你,但係自己就游手好閒,咁即係點?都唔好講將來咁遠嘞,淨係同你出街嚟講,係咪要你畀晒錢,佢係咪諗住一路係咁落去?就算佢屋企大把錢,都只係一個二世祖,咁嘅人有用咩?況且佢都唔係有錢人啦係咪?
你依家廿歲,梗係戀愛大過天,但係乜嘢係愛呢?啱啱識無幾耐啫,你話佢對你好,點好法呢?如果佢真係對你好,就應該做啲令你安心嘅事,而唔係日日對住你,唔為前途打算!
姑勿論你哋有冇將來,但係佢咁嘅性格行為,如果你哋繼續交往,萬一感情更深,佢仍然係咁,你就更加泥足深陷,到時都唔知分唔分手好!
衰啲講句,你想要一個食軟飯嘅男朋友呀?
你話拍拖唔一定結婚,咁你係諗住玩玩下?將來嘅事無人知,但係拍拖乜唔係諗住有將來嘅咩?你連一開始就無諗,咁係咪純粹享受所謂嘅佢對你好?
梗係對你好啦,唔做嘢,日日有女朋友陪,又唔使支出,幾爽呀!
所謂「貧賤夫妻百事哀」,個男朋友有上進心,就算暫時失意都唔係問題,如果係死蛇爛鱔一條,真係執到都喊三聲啦!
你都唔算細啦!天真,幻想下就算嘞!

佢俾好多好多時間陪你, 係會令你好開心, 令你覺得佢可以隨傳隨到, 甚至假定佢專一咁愛你一個, 但過多一年半載, 佢冇錢, 問你借錢, 或者問自己屋企人借錢度日時, 你自自然然會厭惡自己點解會同個咁gei 人一齊~~
呢段時間, 你大可以享受佢給你gei 所謂愛, 但最好做足避孕措施, 否則帶來更大更深遠gei 傷害~~
我曾經同過一個小學畢業, 矮我半個頭, 滿口粗言gei 貨車仔一齊過, 當初我只拍過1 次拖就同佢一齊, 因為佢gei 工作關係, 所以係可以有好多時間陪我, 本來天真又純到稱得上鈍, 甚至有諗過會同佢結婚, 但最後因為佢沉迷玩樂甚至玩毒品令我離開佢, 我好多謝佢一次又一次俾機會我退後一步去諗清楚, 同埋睇清楚一個咁gei 人, 係冇可能帶俾我幸福gei~
希望你都有機會去睇清楚呢個男人係咪真係可以俾到幸福你啦~

我覺得你男朋友冇責任心、唔上進，唔搵工又唔進修，咁嘅男人要黎有咩用？將來會幸福嗎？

樓主不如看多些家事討論的帖，看那些年輕媽媽的帖，說她丈夫如何不事生產、不顧家庭，又要與丈夫家人同住的磨擦，你就會明白。

你媽媽是個有人生經驗的人，看到你今日的選擇，日後會受苦。

你說你沒有考慮過結婚，只知現在很快樂，請問如果不幸懷孕，後果如何？