佢話咩申請綜援D人的仔女讀到大學，佢話佢早知都攞綜援。
唔夠分讀中六唔單只受哥哥氣（佢不停勸D表弟話咩唔夠分唔好讀中六，佢仲係以好串的語氣講，但我無唔開心，我不嬲都當無哥）
媽又成日聽麥潤壽節目，日日聽D人中五中七考得好又鬧我。但會考個D都成差不多十年的事，日日提都唔知做咩。

我覺得開心生活就OK。唔好孭住包袱做人已經好好了。我覺得之前夜晚讀IVE都算好過自暴自棄。

你阿媽都都係擔心你前途
出發點唔係想害你

讀到大學固然好啦 (因為呢條路最容易行)
你讀唔到就另覓途徑
好好走人生的路

滿意現狀不是不好
只是你太年輕
咁快 settle down
日後就跟不上時代變遷
(即係生存條件唔夠咁解)

凡事都要非常努力
你唔鍾意俾人迫
咁就要自己鞭策自己                                                                                                                                                                                                                       

讀唔到書.......要有一技之長.......唔係出黎好難搵工做!!!!!!

而且你要有目標, 要進修..........如果唔係就要用勞力做工............                                                                                                                                                                                                                       

有開心生活當然好啦!!但係都要為自己將來打算!!
要清楚將來要行D咩路,而為未來努力!!

隔左十年仲提住會考

你媽媽思想比較保守，讀傳統學校、大學才算正路，但都十年了還提來作甚。
但又正因為十年仍然惹得她提完又提，咁你又有冇諗過因乜解究呢。

麥潤壽，我都有聽佢個節目，聽眾打電話去話某某唔好有問題，但他永遠倒轉說致來電人才是問題根源，你媽媽既然係擁戴者，而你又是無意的聽眾，無理由唔明其中道理。

隨遇而安無話唔好，但才27、28會唔會早o左d 呢。
表現積極d，再投放多d 時間資源去進修，好讓你將來機會多d ，老媽子安心了就唔做天鵝而惹你嫌煩。                                                                                                                                                                                                                       

其實係呢個年代真係架，讀唔到大學真係無咩用，第時你就知你媽媽點解成日講架啦