搵工艱難，求職者要小心遇著無良機構，否則得不償失。以下係我朋友遭遇，大家一定要知：

亞儀(化名) 搵工，見到「庫」記保險公司登廣告請保險顧問，就約見工。請人個經理講明，除保單佣金之外，入職頭18個月，每月只要做到佣金target (例如$5,000蚊) 就有津貼，而津貼幾多係根據當月所賺佣金按比例計算。 亞儀見有津貼幫補，就試入行，同保險公司簽代理合約。由於無底薪，亞儀為收入，必然努力搵客簽保單，搵親戚朋友支持，第一次截數前總算做到先前定落佣金target。

點知截數之後，公司就要亞儀簽一張附加合約，否則就出唔到糧。合約裡面條款好辣，例如頭一年公司每個月都扣押亞儀一半佣金、如果津貼期內無論任何原因解約，亞儀就要嘔番之前賺到所有津貼、公司又有權隨時修改或取消津貼等等，總之即係保險公司玩哂！ 亞儀袋到津貼落袋機會根本好微。

亞儀就好頭痕，當初俾保險公司以所謂津貼落搭，做個幾月洗濕哂個頭，公司就焗佢簽另一份極難哽合約，估唔到「庫」記咁大間公司都出咁哪喳手段去搵保單！

依家經濟不景，好多人搵工心切，為防有更多人中招，快通知你所有親戚朋友！

這帖已出過，但都多謝你的分享，防止受騙﹗                                                                                                                                                                                                                                                                                                                                                       

好慘

>>頭一年公司每個月都扣押亞儀一半佣金、
>>如果津貼期內無論任何原因解約，亞儀就要嘔番之前賺到所有津貼、
>>公司又有權隨時修改或取消津貼等等

1) 第一點個理由係乜？
2) 第二點好正常。
3) 第三點得個寫字。份份合約都約敢寫。