經網友816介紹, 同老豆兩個人去食!!~~~
呢間食店上過雜誌, 有夜茶飲, 又有小菜, 又有碟頭飯(燒味)!!~~~
問過, 夜茶由夜晚十點到天光都有, 飯市就廿四小時候教!!~~~~


你睇o下佢座落o既位置幾有型!!~~~~






店內環境!!~~~


燒味檔, 聽講d燒味唔係來貨, 係自已燒!!~~~


海鮮檔, 有識游水同唔識游水o既!!~~~~~




好多小菜都幾有傳統小菜特色!!~~~雞子焗魚雲, 好補!!~~~


家父一向眼闊肚窄, 終於叫o左三個菜!!~~~~

例水
位位都有得送, 但唔好要求太高!!~~~


燒肉
係就係腩肉, 不過係原隻豬燒o個亭, 唔係新派淨燒份腩o個隻!!~~~~
少少肥都冇, 好鬼衰架o者!!~~~


子薑麵豉蒸魚雲
嘩!!~~~呢個冇得頂呀, 料又鮮, 味又香!!~~~
撞鬼你o丫, 如果唔係仲有一個依麵, 我撈汁可以"park"三碗飯!!~~~~
我老豆話如果係用子薑酸筍蒸就最正宗順德菜, 我聽到都打冷顫!!~~~




芝士焗龍蝦依麵
用本地龍蝦仔, 有成三隻咁多, 附合我食海鮮o既宗旨, 細碼!!~~~
隻龍蝦好新鮮, 肉好甜, 其中一隻仲有膏添!!~~~~
我最中意就係啜佢個頭~~~~~~d汁!!~~~~
個芝士汁汁都好香, 濃度適中, 我唔抗拒!!~~~~
個依麵底就冇咩驚喜, 不過不失!!~~~~




食到我反晒肚, 埋單HK$280, 唔平唔貴!!~~~~
謝816點晴推介!!~~~~
不過最大鑊係, 我o岩o岩先清o左"益新"d打包菜, 家o下又有一大袋!!~~~~th74

以前飲食男x女有介紹過, 不過都未知點去
埋單$280又唔係好貴,呢間可以考量試吓.

巴巴去洪慶又唔出聲..我今晚係佢對面上堂呀...
食龍蝦添.....佢個"算容"蒸蝦都好正...
"

子薑麵豉蒸魚雲正 !!  

碟腩肉唔係幾得喎，咁瘦ge，一d肥都冇，如果我係咁就好lor

好似唔錯咁