小早餐 (呢道牛奶好平, 100 yen 左右已有1升)
行過間寺, 入左去影相
龜阿B 晒太陽
泊好架單車, 再行多一陣, 差唔多到第一個目的地 "野毛動物園" (免費入場)
動物園喺公園入面
冇乜人, 好舒服
今日好多學生來, d 幼稚園同小學生, 全都載帽嫁
呢道都唔少動物嫁, 龜都有幾種
又有室內的, 暖過出面好多
另一種龜B 仔
呢隻老虎唔知點解係咁行來行去, 佢個係個大長方形, 佢不斷由一邊走去另一邊, 跟住又行返轉頭, 我地觀察左一陣, 到我地走佢都未停... (有冇動物學家可以話我知, 究竟佢點解咁呢?)
呢個係手拉力測試, 朋友拉到52kg, 同'爸爸'手力差唔多
我唔夠力做'媽鎷'
連長頸鹿都有呀!!!
原來呢度有個俾人接觸動物的地方嫁
連雞都可以抱住摸, 奇境!
我都唔執輸... 原來好易捉嫁呢度d 雞, 佢地仲唔會點掙扎添, 如果係鄉下個d, 一早雞飛狗走啦! 鼠鼠都係任抱任摸...
兔兔又係任人魚肉, 真係好乖, 所以我對佢都好溫柔.
離開左動物園, 食左d 小食, 呢門係99 yen 店, 3 個布甸1 pack 99yen, 只係99yen, 好低! (右手邊個包係貓糧, 成個trip都會有用...hehe...)
由櫻木町出發去下一個地方...
唔係返放工時間, 所以冇迫爆場面出現...
響小町通商店街行... 幾多野買/睇/試食, e.g. 賣傳統日本甜品 (一串串淋左甜野係上面0既丸子), 賣漬物, 賣 玻璃/彩石 製品的店...
即燒米餅, 見平平地, 買左一塊來試, ok la, 勝在夠新鮮
個軟雪糕本來要左紐紋 (芋頭 + 綠茶) , 但係芋頭個portion 好少 , 試唔真個味; 另一個係炸芋餅, 好好好好味
有間好多豆類零食, 仲全部都可以試食, 我買左其中一隻 巨峰提子味花生.
去到 鶴岡八幡宮
差唔多日落lu
專賣木屐的店, 貴貴地... 之後出發去江之島lu
搭江之電時 影的
終於到左, 好彩仲趕得切睇日落
島上間寺
江之島好多貓嫁, 隻隻都癡肥, 我用之前買的貓零食哄佢地, 開頭只見一兩隻, 一開始餵佢, 四方八面就走左好多隻出來, 見佢咁肥, 有d 擔心佢既健康
日落餘暉
返到橫濱, 好肚餓呀, 去左呢道食拉面
一個醬油味, 一個鹽味
執好野, 沖完涼之後, 其實已經幾攰, 但今晚我地要搭夜光巴士去大阪, 所已又要出發
夜光巴士係雙層嫁, 佢開頭會有多一兩個站上人, 之後就直去到大阪, 又係有一兩個站落客
中途 (around 2 to 3 am) 會停一個地方俾你去買下野食/飲, 去下厠所 (其實車上都有厠所, 不過好似飛機上個d 咁窄) , 大概十分鍾 (唔好遲到呀, 其他乘客都好準時嫁).
唔係好多人搭咋今次 (50% occupied)