[東方日報]賽前分析

作為上季美職聯總冠軍，哥倫布機員今季開咧後只係連和兩場，表現跌Watt同新練華斯查執功力麻麻有關。最慘係正選後希杜克又因為踢國家隊趕唔切歸隊，聽朝作客皇家鹽湖城受讓平半都咪制，不如掉轉頭捧主場強勁鹽湖城上盤仲好！（開賽時間：周五早上9:00）

機員上季可以贏得總冠軍，練舒密特功不可沒，由於佢已經轉投西雅圖海灣者，球隊惟有以華斯查接手。可惜機員呢位波蘭籍頭帶領下，開咧兩仗全部和晒，反映佢功力有限。何況呢支東岸分子上季常規賽作客西岸隊伍，只有三勝一和三負，考慮到征「西」戰績平平，今仗難有期望。
除練冇料之外，機員陣容亦唔完整，因為報道指機員三位被國家隊徵召球員中，只有前鋒艾真度摩蘭奴同中場奧頓有可能趕及歸隊。至於美國後希杜克應該繼續缺陣，邊鋒羅比羅渣士亦未康復，唔可以強陣出戰亦係捧唔過原因。
至於鹽湖城首仗雖然作客輸波，但今次返到自己地頭未必係咁講，皆因佢上季常規賽主場有八勝六和一負，威力唔小。配合查維亞摩拉利斯同摩域斯恩一對攻擊重心如常披甲，應該可以繼上季主場二比○擊敗機員後，再一次擊敗對方。