話說我係2009年4月16日中午去去開個間SALON到剪頭髮啦,
平時剪開個師傅無番, 咁我就照剪啦, 反正都無咩所謂.
點知一個唔好彩, 俾左個八婆黎剪, 超港女….-_-“

起初都無咩野, 點知洗完頭坐低就黎料:

女: 你想點剪呀?
我: UMM… 好似本書呢個咁咁上下啦….
女: 哦…好丫…

(剪左幾下之後…)
女: 不如剃晒佢啦!!
我: 下?...
女: 係呀, 我唔想晒時間, 又慳功夫~
我: 下… 唔好啦…唔好玩我啦…
女: 係呀~ 剃晒佢啦, 我未試過呀, 就咁話啦, 好無?
我: 唔呀….我唔想呀…
女: 咁你想點剪呀?
我: 下, 剪碎剪短咯…是但啦~
女: 睇黎你都幾無原則WO~
我: ………

(又再剪左幾下)
女: 咦, 係WO, 你知唔知我同你平時剪開個個師傅好熟?
我: 喔? 係呀… 我上次都見到佢, 同女朋友一齊…
女: 你知唔知我同佢有瓜葛丫? 感情個隻呀…
我: 下?@_@ 真嫁? 哦…..
女: 佢條女係咪好大份又矮呀?
我: ….OK啦….
女: 哦, 姐係你都認同啦… 我實會同佢講嫁….
我: ………..我無咁講WO….

(剪左唔夠10下….)
女: 你個頭D COLOUR係邊做嫁?
我: 下…自己整咋…遮白頭髮姐…
女: 我可唔可以鄙視你呀?
女: 我想由心連眼神都鄙視你呀, 好心你啦, 依家D後生仔就係咁嫁啦~ 又唔係窮, 幾十蚊都要慳唔黎整?!
我: ………..(大富由天小富由儉WO)

(剪左幾下…)
女: 哇, 其實你個頭都幾稀疏下WO!
我: 下…天生嫁WO…
女: 好似河童咯… 我想係上邊剪個窿呀….
我: …..唔好玩我啦….(已經驚緊時…)
女: 同你講丫…你一日未剪完個頭我一日都要YO(串)爆你呀!

我: 下….我係咪要同我平時個師傅講…?
女: 你咪講咯… 反正你又唔係我D客, 佢之前都俾我趕走左10幾個客嫁啦~ 我同佢咁熟, 佢都知嫁~ 喔哈哈哈哈哈~
我: …………………(已經唔知講咩好…)

(剪左20下左右…)
女: 你平時唔係同好多人黎嫁咩? 好似係威係勢咁嫁嘛….
我: 下,唔係呀, 都係我同我同學2個之嘛….你又認得我?
女: 實認得啦….你咁既樣同咁既身材….
我: 下….(135磅有問題?)
女: 睇你話中帶有幾分輕蔑, 眼神仲有D睇唔起人WO….
我: …………..得….我會唔出聲, 我正係想你剪好我個頭姐….
女: 喂!
我: 咩?
女: 咁你又出聲? 無性格!
我: ………..(開始嬲嬲地…)

(剪左幾下後)
女: 其實你可以起身俾錢走嫁啦~
我: 下?
女: 係呀, 走啦~!
我: 下…..
女: 好驚呀? 咁剪多陣咯~
(呢下超驚, 個頭唔知點咁…)

(到尾聲時..)
女: 哇..你超多毛毛呀條頸~噫~~你流汗呀? 好污糟呀, 好差呀, 整污糟我隻手~
我: 唔好意思….(我個D應該係冷汗黎…..)

(到GEL頭時…)
女: 其實你可以咁樣再用SPAY咯….
我: 咁會唔會好油?
女: 其實你塊面都好油, 唔緊要啦~
我: ………..(我岩岩洗完面無幾耐咋WO)
(之後我成面頭髮碎佢都無諗過要幫我D咩…我仲要自己拎紙巾=_=”)

(最後俾錢時…)
女: 呢個係學生黎嫁WO….
收銀: 下? 似咩? 似惠康百佳個D搬貨咋WO…
我: ……..(下….好好醜醜….我地都係青年專業書院讀會計嫁WO….)
女: 睇你都唔要我張卡片嫁啦?
我: 要! (點都要啦, 認住你呀八婆=.=)
收銀: 咁你使唔使要埋佢電話呀?
我: (你唔會以為我覺得佢靚呀? 佢27-28歲,面上邊D粉多到夠整面包WO…)
女: 咁好聲唔送啦~(佢係以極速送我走..)

第2日放學之後帶同學去搵我個師傅剪同時,我反映番成件事俾佢聽.
不過佢都好似好無奈, 反而個八婆扮忙避開我地….
同時間我亦發現…
我平時剪開個師傅TIPS BOX入邊有幾舊水, 個八婆得個十幾蚊….
解開左佢對我咁差既原因…..
我會覺得佢係因為中午時份無咩人, 加上唔想做, 我又唔係佢自己個客,
D態度先可以咁差, 再加上我唔知佢係眼紅人地定點啦…
但係我覺得服務業真係可以做到咁咩? 人身攻擊WO…..
其實都幾受氣, 仲要係剪完好似無剪咁, 個個都睇唔出我有剪過….白俾?!
雖然唔係俾得多, 但係我真係有俾錢佢有錢分嫁WO….

相關資料:
髮型屋: HAIR CODE
地址: 九龍油麻地彌敦道440-442號地下(中華書局側)
電話: 3188 1301 , 3188 1302

女師傅(姐係個賤人-_-“): EVA NG (好似得佢一個係女師傅…)
我平時個師傅: CARXXX TANG