我部97年A4 1.8T QUATTRO最近發覺撻車有問題，多數都要2-3次先着到，有時要俾一腳大油就冇問題，但係過多一排冇論點俾油都好，佢一撻着咗就即刻死火，俾住油就冇事，一唔俾油就死火!咁我最後去咗搵車房整，CHECK完之後就話電子油門有問題，點知整完之後又有問題，再CHECK就話係水溫提升&初級點火SENSOR有問題，咁我又再整過啦，但係又過咗兩日，問題又再出現，咁佢就話唔知點解水溫提升&初級點火SENSOR個CODE消唔到，咁佢就幫我揸去AUDI 廠CHECK($900一次)，等咗三日，車房同我講話因為車匙裏既電子晶片唔知點解每一次插入部車既時候嗰個識別CODE都唔同，好似電腦中咗毒咁，所以着唔到車，要整既話就要換電腦再加埋全車電腦RESET一次，連工包料(二手電腦)要過萬，請問各師兄有冇遇過呢個問題?同埋車房講既野啱唔啱呢?

最好自已用電腦檢查一下，這裡有個網站專門買數據線，自已試試吧，約rmb3xx一條

                                                                                                                                                                                                                                                                                                                                                       

死火個陣，表板有冇車匙燈閃下閃下？

冇，同正常死火一樣，所有燈着哂。

咁反正都係貴，點解唔直接返廠測呢？你現在拖拖拉拉都要錢，仲要驚佢唔知幾時著唔到，仲等？

而家就係車房幫我揸入廠CHECK完之後有呢個結果!不過始終我唔係現場，所以想問下咁多位師兄有冇聽過呢一類既損壞。
車房而家就冇收電子油門同兩粒SENSOR既錢，但係廠就要收$7800。

返廠整吧！拖拖拉拉！得個攪字！錢你都洗左去，都未整好！

A4 鎖匙電腦街價都要4K幾, 廠8K算好平啦.......

我之前部Audi都壞過
岩岩整反好
我幫你問過幫我整車既葉生
佢話你架車絕對係電腦問題
車房講得岩
你架車既問題絕對要過萬
但勸你唔好用二手腦
因為咩腦都要原廠code
出面好多車房跟本無原廠code
可能整完唔夠一個月又壞
請小心,,