[東方日報]賽前分析~查爾頓爭氣平定卡城~

英冠快車今晚有場查爾頓對卡迪夫城係焦點，事關「查仔」上輪失分宣布正式降班，中國球星鄭智下季隨時要英甲再見。講番今場心水，安高睇好1.75倍「讓球主勝」，事關查爾頓肯定想「為尊嚴而戰」，贏波同球迷有個好交代，反而卡城上仗畀人大炒冇晒鬥志，作客仲點讓波先？（開賽時間：周三凌晨2:45）
查爾頓二十九年首次降入第三級聯賽競逐，上仗失分之後，山谷球場氣氛都幾哀傷。領隊柏堅遜話明下季會全力爭取重返英冠，講咁遠實在無謂，反而打好最後三場波好好告別英冠，仲會係對球迷最好回報。

事實上，「查仔」近況其實唔差，近五場聯賽就打出一勝四和不敗佳績，上仗對住黑池，都只係去到補時階段先畀對手逼和，今晚只要打出水準，都唔係輸梗。
卡迪夫城呢邊，上仗作客普雷斯頓無情情畀人大炒六蛋，戰果令人失望之餘，想爭取直接升班席位已經接近無望。目前排第四卡城，依家升班附加賽資格穩陣，都唔使太搏命，加埋後防重心羅渣莊臣仲係上陣成疑，仲點讓波？