0係呢到見到好多人講佢地老爺奶奶的不是….
Um…我剛剛結婚….由於新屋未裝修好, 所以暫時同老爺奶奶住….開始時都驚相處唔黎(因為佢地屋企人非常傳統)….而且之前有發生過唔開心的事….但後尾我拎個心出黎, 當佢老爺奶奶係我自己父母咁錫….所以以家老爺奶奶都好錫我…

我覺得, 天下無父母唔錫自己仔女…可能有時奶奶係覺得個仔結左婚之後, 等於無左個仔….所以我而家做好多事, 去証明比奶奶睇, 個仔結婚唔等於無左個仔, 反而係多左個女…..其實老人家好簡單…多D陪佢地就可以….有時我都想同老公2人世界…但係我知道其實奶奶都需要一段時間去接受”同個新袍分一個仔” 的事實….所以我地會搞一D活動預埋老爺奶奶份…等佢唔好覺得個仔有老婆就唔要呀媽……

有時做人新袍都要識逗下奶奶開心…以下係我試過的話:

1. 老公成日都話媽咪對佢再好….
2. 奶奶, 老公話佢最鐘意你煮ge xxxx, 你可唔可以都教我煮ar?
3. 奶奶, 出左trip幾日, 我就開始掛住你啦
4. 奶奶, 星期日我地去海洋公園, 不如一齊去啦, 多人d好玩d….(哈哈…明知奶奶唔會去, 但老人家好想你做咩之前都consider埋佢地)

其實有時出下口術, 老人家就會好開心….最重要係, 如果能夠同奶奶相處得好d, 老公仔會加位錫你....Thts very true....

希望各位sister同奶奶相處融恰d啦….

夠晒正面.....同呢度其他人簡直格格不入....
不過....我全力支持....WELL DONE.....                                                                                                                                                                                                                                                                               

好開心有你既分享

thx， 我都有努力搞好跟奶奶的關系，近年進步很大。

如果全世界的奶奶都咁易氹真係正哂. 咩煩惱都冇哂. 好可惜好多當新抱係爭仔既死敵. 唔係咁易搞掂. anyway. 見到有成功個案, 可喜可賀. 樓主加油. 你氹得掂個奶奶, 同老公有咩e郁, 都會幫你添啦

同意......
我記得當初第一年結婚,奶奶生日, 我叫老公打俾奶奶, 我老公話從未做過甘的事,
咁我迫佢打啦, 奶奶不知幾開心, 姑仔仲話:呢個你個仔黎架 ???  
可能我奶奶易氹d啦...
另外, 我下個月頭都同老公,老爺奶奶, 姑仔兩公婆去北京玩. 等老人家開心下  

我唔係同佢地住,好服可以同老爺奶奶住的新抱,俾我可能唔知點算,
好開心你有咁正面的思想, 得閒多d上黎分享你的體驗丫.....                                                                                                                                                                                                                       

应该永远无可能改好,因为我做咩都错

你淨係掛住氹奶奶....
咁你自己 d 父母唔駛理咩 ???

老人家個個性格唔同, 有d可以夾到, 有d真係難夾到

樓主好彩

我都好慶幸有個唔麻煩, 唔小氣, 唔講新抱是非嘅奶奶

我既老爺，奶奶（６２，９９）好到都唔知講咩好，好多時我都覺得唔好意思。
唯有同老公多Ｄ同佢地一齊食飯。
我真係覺得佢地對我好過我既親生父母！！覺得佢地係真係用心對我地好而冇要求回報！
６２９９都係出名既好人，而且好開通，講道理又唔會煩。難怪佢地教出來的仔女都係個個都咁考順又大方，又好人。。