4月10日，長假第1日，要上深圳搭下午1點3機去沙巴。
9點10去到九龍站，一心想搭10點3果班直通巴士去深圳機場。去到巴士售票處，鬼咁多人，心知不妙，一問，已經賣到去12點3既車。
立即飛番去地鐵站，經南昌轉車去天水圍，時為10點7。去深圳灣既巴士又係排哂長龍，重見到架B2飛站唔停。見有新界的，貴都要搭架啦，上車。
11點去到深圳灣，大獲！我用過深圳灣好多次，第一次見會係出面截人。好彩等左5分鐘，就可以入到去，行人道過都算快。去到大陸果邊，排人道超級多人，但右手邊就行得，原來大陸e道果邊少好多人，好彩！大約11點3就過哂關。
再去排的士去機場，最後11點9去到機場，重有個半鐘先上機。好彩！

交通費
九龍站去天水圍站  $14 x 2
天水圍站去深圳灣  $95
深圳灣去機場  RMB85 ($95)

兩個人用左total HK$218，其實同搭直通巴差唔多 (HK$100一個)，時間都差唔多，大家都要個半鐘                                                                                                                                                                                                                       

嘩, 長假期過關真係要小心 d, 隨時領野.                                                                                                                                                                                                                       

多謝你和大家分享你的寶貴經驗，仲以為去九龍站坐直通巴士唔駛提早Book 飛 tim                                                                                                                                                                                                                                                                                

我又係10號經深圳飛沙巴，原先是plan 了在深水埔坐9時30分的直通巴去西部通道，過關後轉8號機場大巴去機場。今次好彩有預鬆了時間，4個鐘前出發，預留了時間在大家樂食早餐才上機。

不過，實際上9時去到西九龍中心地下的直通巴站，9時半班車已滿了，要轉去乘西鐵，去到元郎站轉B2巴士去深圳灣。如果大家以住有試過經西部通道過關，一定會以為又是人都唔多，點知去道，多人到…


過關後轉8號機場巴士，每半個小時只有一班。錯過了11時班車，要乘11時半。不過，11時半班車都唔夠坐，有部份人上不到車。


以前深圳機場的國際出航部份是在B樓的1樓個角落，而家搬了去新的D樓。原來D樓和A/B樓是不通的。位置在A樓地下大家樂個門口出去，向前行向1橦不起眼的單層建築。


結果，上到機，但無時間食早餐要在機盧買東西吃，要了個椰"張"飯。



P.S. 通常空姐會派入境國的入境卡，等乘船客可以在機上填寫，不過AirAsia 無。

P.S. 沙巴回深圳時，在深圳機場見到深圳派了狗聞行李。



狗狗聞緊個粉紅色個行李，好似是"有野"，個關員按了個行李好幾次。

想問一下8號機場巴士要幾多錢，同埋要食幾耐?
thz!

你的路线也太难了吧