單身之後,大家都忙啲咩野?
急急腳去搵第個?
日日以淚洗面?
行屍走肉咁?
不如大家寫低想要個點樣嘅單身生活?
有時諗一諗,單身原來都唔淨只係失去
有伴好,單身亦都好
其實每個狀態都有得到都有付出
享受單身,做個開心嘅單身貴族,先至可以吸引到別人
響我單身後;
我將用黎結婚嘅錢擺左一半去層樓度
橫掂不知何年何月先用到,不如先還番d錢俾銀行,可以慳唔少息
去學日文.我學歷只係一般,就算去讀幾年公開大學出黎亦只不過係通街都有嘅大學生之一.不如去學下響香港尚唔算多人識嘅日文,充實下自己.
考番個健身教練牌.舉重係自己嘅興趣,不過一向只係求其玩下.家陣決定要好好咁做番d成績出黎.
同公司自薦去做前線職位.可能時間會好唔穩定,可能成日要上大陸.可能職位都有d風險.不過冇問題,單身嘅優勢就係可以唔使下下怕冷落左女朋友.亦唔使怕為左婚結所以要小心翼翼.
做yes man.多d同老朋友老同學聯系,就算佢地已經成家都唔好俾藉口唔搵佢地.佢地有咩活動叫自己出席,就算唔多有興趣都要答應.減少留響間自己屋嘅時間.
俾自己一個單身生活plan唔係要用黎塞滿每日嘅空檔.傷心就算只有一秒空檔都可以成功入侵你.所以要令自己多啲認識單身嘅好處,要愛上單身先至可以俾自己用更高嘅角度去睇感情同結婚呢件事.