話說我細佬月尾結婚
我阿媽今朝同我講
"我同左妳細佬講妳有3萬蚊會比佢架啦"
嘩.....大佬呀...呢筆錢我係諗住第日進修用
一個屈尾十爆比細佬知我有3萬蚊
因為趕住返工所以無咩點再講
我放工返屋企
阿媽同我講:
仔係自己嘅....女嫁左出去就係人地
女嘅錢攞盡佢都得...第日有人養...
仔就唔同喇...要幫佢儲錢結婚
如果唔幫佢第日個仔唔會理我架啦.......
佢結左婚唔會再比咁多家用架啦,妳有樣學樣囉(好有骨)
聽完之後我好hunt囉...咩叫做女嘅錢攞盡佢都得
我唔洗駛錢咩
完全無諗過我
我依家搵12000都比7000屋企
但細佬搵20000就比4500屋企
我唔係話計較邊個比得多
但講嘢可唔可以公平d呀
我曾經諗過今年加人工再加家用
但依家聽阿媽咁講我真係諗過先
留番個錢傍吓身
大家點睇呀??

唔洗理佢
錢係你既你有權唔俾                                                                                                                                                                                                                                                                               

我會立即用晒筆錢！再唔係就扮死狗話比家人知，筆錢輸晒落買牛熊！呢排成日升，你就話買了熊，輸晒。淨番幾千元！                                                                                                                                                                                                                         

你最多送份禮物比你細佬結婚咯﹐同買金比你弟婦都要用錢既﹐可能果度都使兩皮啦﹐。
但如果自己無錢又要學人結婚既話就叫佢唔好結啦﹐你自己將來結婚都要使錢﹐儲起用係自己度好過。仲有你細佬都識為自己打算﹐你學下佢啦﹐比錢屋企只係心意黎啫。

真係斬到一頸血~
咁你記住問細佬第時我結婚，你俾幾多家姐做嫁妝呀~
今年加人工d錢留返黎填氹(讀書筆錢)~

唔好俾錢佢，用錢買野送俾佢地。
咁你用幾千蚊買俾佢你阿媽不會當場小你la..
仲有，你有個咁的阿媽冇得變，
只有接受。
不如你去愛一個你值得愛的人仲好la..
重男家庭係咁架..
要忍。

直接同你細佬講你幫佢唔到囉~
佢結婚自己冇save money架咩?
再唔係叫佢問你阿媽拎囉~佢都話要比錢個仔結婚~
再衰d話比人減人工~比少d家用~叫佢問個仔拎~
話:你比咁多錢個仔結婚~佢點會唔理你唔比家用你呀~
古老可山!!可恥的母親~!                                                                                                                                                                                                                       

自己gei 錢自己放好, 唔好諗住阿媽會同你儲錢呀第日置嫁妝呀個d, 呢種傳統式阿媽絕大部份都會將個女俾gei 家用轉為呀仔日後娶新袍gei 禮金酒席錢, 甚至妄想第日娶個新袍等如多個女使用下, 又大想頭到個新袍絕對為你男家添幾個男丁, 最好公一份婆一份99收兩份家用, 傳統型媽媽當然同現代脫晒節, 忘記左現代gei 新袍, 對99 gei 態度總係避而不見, 最好唔見, 甚至早已傾好養狗好好養人仔之類~~
精明gei 阿媽, 總會為自己個女留有後著, 由樓主阿媽話要攞盡個女d 錢開始, 已見証呢種阿媽除錢以外根本唔需要個女, 建議樓主早嫁早著, 遲嫁瞓唔著, 仲有你搵到錢的話, 買定層樓好過俾你阿媽陰乾陰淨~~                                                                                                                                                                                                                       

咁都得?
你3萬自己keep啦
你阿媽咁把炮, 佢自己俾唔好?
我支持你進修
你阿媽咁樣, 你唔駛理佢啦~

女嘅錢攞盡佢都得...第日有人養...
仔就唔同喇...要幫佢儲錢結婚  
  not make sense!

不過我d同事話, d阿爸阿媽係鐘意仔
但到老來會理佢地既, 都係d女
做女真係慘, 知道老豆老母唔錫自己
但到佢地老左, 你又會心軟理下佢地
d仔就唔會理囉!                                                                                                                                                                                                                       

唔好理佢啦
你愈整佢愈過份