男朋友個妹好討厭
我同我男朋友一齊兩年, 星期六, 日有時都會過去訓.
本身得佢爸爸, 媽媽一齊住, 後來佢係大陸做野個妹因為俾人炒左要搬番黎住, 再遲d佢仲接埋佢個女落黎住, 因為佢個女要係香港讀書
(佢老公係大陸人), 跟住問題就黎喇....
佢同佢個女一番黎就霸左我男朋友間房 (因為除左阿爸阿媽房之外得佢一張雙人床), 雖然張床唔係我地俾錢買, 但係係我地訓開, 佢一個唔該就霸左間房, 而家我間唔中星期六日過去先會借俾我地用, 但係佢地愈用間房愈污漕, 雖然我每次都會換過d床舖先訓, 但係都就黎頂唔順, 因為張床會有紙巾, 玩具, 垃圾etc.
另外, 佢個妹番黎成年, 冇份工做得長, 而家都冇做野, 等屋企養, 仲要養埋佢個女, 屋企家頭細務都唔會點做, 佢阿爸阿媽都要番工,
佢同個女成日搞到屋企好污漕都唔執, 佢個人真係太懶, 完全冇貢獻
仲有, 佢成日都唔湊個女, 每次我星期六日去到就會叫我幫佢湊女, 佢自己就係度睇電視或者訓覺, 總之邊個係度就會叫邊個湊, 自己永遠都唔埋, 真係好討厭d人淨係識生, 生完又唔理, (佢阿妹仲大過我), 佢仲要過份到晨早7點叫醒我男朋友幫佢湊女番學, 好離譜, 人地要番工, 妳唔洗番工, 仲要咁早叫人起身幫妳湊女, 佢係咪有病???
岩岩之前我生日, 同男朋友去海洋公園玩, 佢竟然話我地點解唔帶埋佢個女去, 真係搞笑, 我生日都仲要幫妳湊女, 唔係話??
仲要第二日俾左$20我地, 叫我地帶埋佢個女去買生日蛋糕, 而家我生日, 俾$20我自己去買蛋糕, 妳會唔會太搞笑呀?? 我寧願唔食啦
後來我地都買左, 番到黎佢話好肚餓要開個蛋糕黎食, 我即刻O左咀, 因為佢阿爸阿媽都未番黎, 佢就話切蛋糕食, 仲要而家我生日, 佢有冇尊重過我同其他人呀???
唔好意思, 太長篇, 其實仲有好多過份野未能盡錄...
而家次次見到佢就火都黎埋, 但係我地又暫時未有能力搬走, 唉....
