以上圖片的品種(借圖的)，係本人 20年前 所飼養的倉鼠品種
那時候可選擇的品種不多，基本上市面只得這種售賣

那時候的 用品 & 飼料 ，絕對沒有現時那麼多可選擇
飼養倉鼠的環境，只得 鼠籠 , 屋仔 , 飼料杯 , 食水杯
沒有現時的 木屑 , 跑輪 , 水樽

起初只係養一隻，購買時跟寵物店講，需要一隻雄性(實際上佢係雌性)
養了一段時間，便打算多買一隻，隨後便到寵物店購買
因不想作出生育，也是跟店員講，需要一隻雄性(這次真的係雄性)
之後一直都係同籠飼養，相安無事，沒有打架
大約在一個月後，奇怪的事情發生了
竟然發現在鼠籠內，多了 5 隻倉鼠Baby
那時候才知道，原來我的倉鼠，實際上係一雄一雌
而且還沒有任何經驗，結果全部Baby也被母鼠咬死
那時候也覺得十分其怪，為何母鼠會咬死所有Baby 呢
之後在圖書館查看有關書籍，才得知答案

關於飼料方面，那時候只供給 雞料 作主要糧食
每次購買 $2 ，已足夠 2 隻倉鼠食用一個月
而且 大便 十分正常，也沒有出現過肚瀉情況

現時將會再次飼養倉鼠，所有用品已經準備，只係欠下倉鼠入住
回想以前經驗，也想試下只供給 雞料 作主要糧食
1 ) 以前試過，沒有任何問題
2 ) 價錢十分便宜，我估計現時購買 $5 ，應該足夠 2 隻倉鼠食用一個用

唔知大家對餵飼雞料有什麼意見呢 ???

SPCA正正有你心愛既鼠鼠可以領養.....
你可以去探下佢地先啦!

至於雞料.....唔知係MUTE野.....
稍後去飼料店看一看先.....

倉鼠要多種不同營養先可以健康成長...咪貪平啦~差唔多全世界都用倉鼠糧餵佢地,唔好用d舊觀念....等於以前d人用屎黎餵狗,一樣養得大,but時代會進步/轉變,勸你去yahoo知識度search一下,你圖中既係''熊仔鼠'',所有鼠都唔可以一齊住,會打架,由其係呢種鼠,佢地唔會因為冇同伴而覺得悶                                                                                                                                                                                                                                                                                                                                                       

樓上講得好啱  而家時代唔同  時代不斷進步
人類生活環境都好左啦  以前呀爸呀爺果代冇飯食只食番薯  甚至打仗時食樹皮,坑渠老鼠  佢地都唔死得喎  咁我地而家係咪要食樹皮,坑渠老鼠呢  
以前d人揍仔都唔同而家啦  以前d細路著開浪褲通街走  通街汁野食冇人理
d細路一樣養得大  咁係唔係而家d細路都要咁養呢
20年前好多人養鼠知識有限  亦冇咁多鼠鼠物品賣  冇鼠糧先要餵雞料
以前d人養貓狗都冇用貓狗糧   但係世界不停在進步...而家資訊發達
好多倉鼠鋪  上網搵養鼠資料都好易  一包優質倉鼠糧幾十蚊已經夠一隻鼠食幾個月了  幾十蚊睇少場戲,食少個快餐都夠買包鼠糧囉
寵物係我地ge寶貝  當然要俾好ge環境同食物佢地啦

鼠鼠食雞料當然養得大  但話明係雞料營養當然係for雞啦
雞係禽畜,倉鼠係嚙齒目 兩種完全唔同ge生物  身體結構習性唔同
所需營養會相同嗎  點解有倉鼠糧唔餵要餵雞料?只係為左雞料平?
其實人類食雞料都可以生存架  而家d米咁貴  咁係咪人都要食雞料呢

ps:我可能激動左d  唔好意思  我只係希望大家用正確方法養鼠  
     好好咁去對待我地d寵物

重點係你點解要用雞料餵倉鼠?只為價錢平d?
如果係咁不如唔好養  咁就一蚊都唔洗用
一包優質倉鼠糧Prestige ,Oxbow ,Mazuri都係$40-6x蚊
夠一隻倉鼠食幾個月至半年  計返都係10蚊一個月啫
咁點解唔用專for倉鼠ge糧呢?有d品質冇咁好ge鼠糧  
我地都驚對鼠鼠身體唔好  咁用雞料餵倉鼠就算唔會食壞鼠鼠
不竟雞同鼠係兩種唔同ge生物  所需營養唔同
鼠鼠長期食用  身體會缺乏某重維他命  一定會對身體有害

唔好忘記..雞一般只係養幾個月就拎出市場賣...
而且雞料ge成份目的係for雞ge肉質好,大得快,冇病.....
直接講係為左人類食雞口感好d,大的快d可以賣錢
雞料唔係for雞長遠身體所需營養....................
就算雞料對雞黎講係營養豐富ge飼料  但對嚙齒目動物~倉鼠一定唔係適合ge飼料

其實我最終目的，唔係完全關於 便宜 方面問題
而係 可行性 方面問題                                                                                                                                                                                                                                                                                                                                                       

希望你用優質鼠糧餵鼠鼠啦  我地養得佢都係鐘意佢地啫
鍚佢都想佢食好d住好d開心架嘛  鼠鼠長命d又可以陪我地耐d
係咪

雞料係可行,不過唔係鼠鼠既主要營養同倉鼠係嚙齒目,根本完全唔同,狗都可以食貓糧維生,不過點解人仲要買狗糧俾狗狗食??同樣道理~
   樓上打得好詳盡,呢位人兄好有心打咁長篇字,人地咁有心,我地唔會害你既~信我地啦!