[東方日報]賽前分析~波爾多摩納哥皆大歡喜~

除「主客和」同「讓球盤」，好多投注者都鍾意玩大細，懶理邊隊贏輸，總之有波入就皆大歡喜。今日Richard誠意推介一場大盤畀大家，就係波爾多主場對摩納哥，法甲爭標進入最後直路，榜首波爾多晒火，最近連贏十場，主W乏味唔值捧，1.72倍大盤先係大戶至愛。（now 714周日凌晨3時直播）
里昂王朝終於沒落，今季冠軍成為波爾多同馬賽之爭，不過論氣勢，一定係波爾多贏幾條街，因為佢已經連贏十場，而且全無放緩象，根據情報組同事指出，現時波爾多踢法充滿激情，已完全掩蓋理智，情況同英超利物浦非常相似，故現階段追住個大盤玩，確實非常明智。

事實上，波爾多已連續五場開大，主將哥古夫更射入七球，展現球星級數，連退休施丹都出講，大讚呢位法國新天王，適逢今仗對手摩納哥，每次對親波爾多都能夠擦出火花，近三次交手均開大，而且近兩仗更炮製十三個入球，波爾多近期入得又失得，今仗好難走出呢個「怪圈」（strange circle）。
雖然根據上季數據，法甲係馬會開盤十九個聯賽之中，入球率最低聯賽（今季亦極大機會蟬聯），但值得留意係臨近季尾，法甲入球數字有明顯上升象，所以依家大盤有超過1.7倍，值博率確實非常高。