公司變態老板娘!
我依家響一間兒科診所度做助護,
人工都叫做幾OK, 而且又成日對住D小朋友, 其實都幾開心
但我地個老板娘, 就真係好變態
點變態發? 我慢慢同大家分享一下
近來因為H1N1, 公司生意急跌, 比平時起碼少左兩成生意
但佢就將人少左尼個POINT賴落員工(即係我)度, 佢話我成日推症搞到我地無客.......其實我真係無做過
講真, 我試過夜晚8點接到電話話要依家過黎我都等埋佢, 佢都可以話我推症, 無野講
日日就好似同我有仇咁, 根本就對人唔對事, 樣樣事都針對我
想搵辦法迫我走, 成日特登比說話人聽, 又大大聲話要登勞工署請人
有次仲同我講, 我覺得公司唔係好適合你, 但佢又唔炒我喎, 好明顯係唔想補水
日日就叫佢入去跟症, 其他咩都唔比我做, 企足全日, 朝早11點企到放工7點, 咩人都死啦
自問自己真係有心同公司做野, 樣樣我都同佢跟足, 我真係唔明點解要咁對我?
佢好鍾意將小事化大, 話佢唔係變態係咩?
口口聲聲同人講話對人好, 佢話囉, 公司比佢迫走嘅人超過兩打
我都已經唔出聲, 諗住捱得幾耐得幾耐, 但今日我終於都忍唔住喊左出黎
本來咁嘅工, 我一早就應該唔做, 但無奈依家又申請緊按揭......仲要等多起碼2個月先走得
你地話我應該點做?
