發新話題
打印

其實我係咪想食回頭草??

其實我係咪想食回頭草??

一齊左5年半...
係分手前嘅幾個月...大家都feel倒大家嘅生活模式唔同左...
佢鍾意同同事返大陸...我鍾意周圍睇下影下相...
慢慢就淡左...

4/01因為佢又一次瞞住我返左大陸...我好嬲...好激氣!!
(我以前唔比佢返大陸...佢一返我就會發脾氣...
到佢話唔想比人管住話要分手...於是我以後都冇過問佢去邊...
佢亦應承我返大陸之前會同我講...)

4/03佢打比我...
我仲未想原諒佢...佢見我係度膚遣佢, 佢竟然cut我線!!

如是者冷戰左個幾月...大家都冇contact大家
初時我係有少少唔習慣...但慢慢我適應左自己一個嘅生活
雖然偶而同d friend講起我都會喊...但真係喊完就算...
冇乜特別掛住佢

直到5/07佢sms我 ...叫我唔好拖...要解決問題
當時我仲好灑脫咁sms佢講:
我唔係拖...只係過左咁耐...
我以為大家都放低左...
唔想煞有介事咁提...
如果你要一個答案...我會覺得分開係比較適合大家嘅選擇
但希望佢明白今日呢個決定並唔係因為仇恨
佢亦sms我話大家會係好朋友...

之後呢幾個禮拜...佢唔係話特別關心我...
但的而且確佢會sms我...閒話家常...around 1個禮拜2~3個倒

直到5/29...因為我地有朋友生日...出左黎唱k
初時見面大家都冇乜事...
但之後佢竟然同其中一個食開煙嘅friend一齊煲煙...
(佢識我之前已經戒左一段日子...同我一齊嘅時候佢冇食過)
我果下個心就有d唔舒服...唔知點解

果晚返屋企...我知自己有少少低落...
以為訓醒會冇事...於是即刻訓覺
點知第2朝一醒...
救命呀~~ 好似冇訓過咁...即刻去返之前果晚嘅情緒!!
我即刻打比個friend同佢講...我都未講我已經喊啦...
邊講邊喊左一個鐘...
之後另一個friend打黎...我亦一樣...

果日成日都心不在然...完全唔可以唔諗...
成日諗返以前同佢一齊嘅畫面...

直到禽日(5/31) 我終於忍唔住打比佢...
我一直都叫自己冷靜d... 點知我一聽倒佢把聲...
我已經流眼淚...我唔想佢聽倒我喊...
我話想約佢食飯...佢話好...佢話過2日得閒...到時再搵我
佢問我係咪發生左咩事...佢話我把聲有d嘢...
我就話冇乜事...只係想約佢食飯...

我個friend叫我唔好返轉頭...
叫我唔好諗咁多...越諗就越難抽離...
我同佢講我真係冇諗之後嘅問題...我亦清楚知道呢個人唔會比倒幸福我
但我呢2日真係好折磨...我淨係知我好想見佢                                                                                                                                                                                                                       

TOP

妳個晚既情景只係曇花一現,再過一段時間就會冇嘢喇,妳要堅強呀 !!!!!!!!

TOP

我都係前幾日同個一齊左四年半嘅男朋友分開左,
初時淨係識對住電腦喊, 連想傾訴嘅對象都無.
一個人瞓唔著食唔到野, 短短幾日已經廋到100磅都唔夠
我都有叫自己堅強, 但係一個人真係好孤獨.
好彩呢段時間有朋友好關心我, 每隔一段時間打黎鬧醒我,
或者樓主你試下唔開心搵人傾, 傾到連自己都覺得煩 覺得厭為止...

Anyway, 你唔係得一個, 至少有我陪你一齊難過,
但係日子就算幾難都要繼續過..頂住呀!!

TOP

發新話題