大年初五晏晝去睇戲,2:10去到售票處鬼咁多人,想睇2:40澳大利亞
有兩條隊,一條係即場,大約十幾人排緊,即日同預售打晒蛇餅,起碼有幾十人
睇睇原來得番兩個位,諗住排即場都係快快趣趣,買唔到即場咪排番即日買5:45
卒之排左20分鐘先排到去櫃面,原本排係我後面轉左排即日隊既人都埋到櫃面
原本已經好興,有乜理由排即場要咁耐,去到櫃面條友話賣晒,買5:45就要排過,我話我排左20分鐘先排到黎,我問佢點解要排咁耐,佢答:"因為得我一個人,又要收錢又要出飛",我話:"呢d係你地安排上既問題,唔接受呢d解釋,叫你經理出黎"
個經理出黎,話唔信要排咁耐,話已經盡量叫d客快d揀飛,又話唔信排即日既仲快過我,又話呢d事控制唔到,我話"你擺得兩條龍出黎,d客諗住排即場梗係快趣d,你而家話控制唔到,即係叫d客博一博,排唔到就咪鬼買,咁多人排隊得四個counter",佢又up一大輪廢話,仲話如果唔係我叫佢出黎,就安排緊人手去counter,暗示緊我阻住佢
最後我問佢有咩幫到我,佢都係話叫我排隊買下一場,咁我話"你唔洗講野",跟手我即刻掉頭走
仲話叫Grand cinema....呢d服務一d都唔Grand,以後都唔會再去!