我朋友介紹我去傳銷 (空氣淨化機), 佢話要聽個講座, 唔駛比錢買定d貨, 不過卡片要自己比錢印.

想了解一下 :
1. 係咪傳銷 都唔一定要比錢買貨?
2. 係咪卡片要自己比錢印?
3. 佢無底薪..只有commission?傳銷 是否這樣?
4. 咁咪唔駛供mpf囉?因為 無底薪

請幫幫手回覆~~ ..tks

你會好快無朋友

其實我只係想了解多一點...又點會好快無朋友呢!...我出發點無諗過累街坊同朋友...唔駛咁嚴重呀~~~

行到您脚軟  您都未必揾到一單生意 ！  

請不要做傳銷..
第一.. 第一次要自己買貨..(一定限額才能成為會員, 多數叫你買幾千蚊)
第二.. 你會好似上便果位朋友講咁好快無晒朋友
第三.. 你無能力做cold call
第四.. 產品係極之癈但又會賣好貴的垃圾
第五.. 倉底貨你要自己食晒..
第六.. 你要搵好多下線... (傳銷plan 係極之搵笨的,沒有下線你是不能賺錢)
第七.. 開會時會將你精神分裂.. 個個傳銷者都好似撞鬼咁..
第八.. 我是過來人..不能接受那種日日好似被上線摧眠的生活(仲要同你扮friend)
第九.. 傳銷公司十區其九係會好快汁粒.(因佢搵夠你班水魚既錢,第一次買貨時)

你朋友係想搵下線才搵你呢條水魚..

請不要受騙..無佢一個朋友, 好過無晒所有朋友
到頭來乜都賺吾到!! 不要做傻仔


我估你年紀很輕似的.. 入世未深容易受騙...

最後 層壓式推銷是一個騙局..

傳銷=垃圾

個人認為傳銷係生意既一種 有能者居之
冇能者會覺得傳銷=垃圾
打開門做生意 明買明賣 冇問題喎
如果覺得有問題應該報警