UFunFun 討論區 - Powered by Discuz! Board

標題: 第一次養狗仔 [打印本頁]

作者: 屎尿人 時間: 2008-11-15 02:56 標題: 第一次養狗仔

你地好呀. 我係第一次養狗仔,我養果隻係玩具貴富狗,佢有3個月了,
佢今日係第一日反我屋企,佢成晚都唔去訓,不停甘嗚嗚叫,
我怕嘈到家人,我放佢出來佢就好似生蝦走來走去,我以為佢餓比D野佢食等佢唔好叫,
點知食完野又去尿尿,又唔訓又叫, 我都唔知點算好...
佢叫到咳啦.... 同佢講佢又唔識聽....我有打個個龍啦叫佢唔好叫,佢都係唔聽,
我要點做之後日子佢唔會甘呀?我怕佢會叫到病左呀??好擔心.....

作者: 毛西 時間: 2008-11-15 13:10

佢叫就有得出嚟玩同有野食, 俾我都叫啦, 你同佢講唔好叫, 佢梗係唔明啦, 佢唔識聽人話, 你拍個籠, 佢只會以為你同佢玩, 仲叫得勁d, 你唔想佢叫到咳, 就要狠心d, 佢叫你唔好理佢, 再叫就用塊黑布蓋住個籠, 佢嘜野都睇唔到, 又無人理佢, 佢自然會靜, 狗仔基本上幾時都好似好肚餓咁, 你只要依足狗糧餵食就得, 佢一定唔會餵親

作者: 屎尿人 時間: 2008-11-15 14:57

但佢成日都無去訓啦~~甘點算呀??

作者: Antares 時間: 2008-11-15 17:49

你可嘗試當佢不停叫及唔瞓,就同佢落街玩,玩到佢累為止,但你要注意,因為佢只有三個月大,一定要同佢打齊預防針先,若再有唔明,可打我手機94394001,Tony,我再教你!

作者: Antares 時間: 2008-11-16 04:46

其實我唔係太懂msn,或者我在討論區教你,你的狗仔可能掛住之前養過佢的主人,所以係佢同你新建立感情時,你要對佢愛錫多D,例如多同佢去玩,及買D零食俾佢,等佢快D忘記之前主人,同時最好淨係俾佢食專係為狗而設計的狗糧,可減少狗仔容易生病,因為睇獸醫係好貴,同時要定期同佢度蟲及虱,仲要問佢之前主人有無同佢打齊預防針,如果無,就要立即去獸醫到打齊三枝預防針,緊記呢D錢唔可以慳!跟著約一星期沖一次涼,同時你可請教寵物店職員或獸醫,或上網和去圖書館搵資料,但我勸你一句(養任何寵物都係一生一世,盡你所能令佢開心走完這短暫的人生,否則若給它痛苦多過快樂,我就勸你唔好養!)你要明白一樣嘢!無論人與動物都有記憶,否則狗仔就認唔到邊個係佢主人,亦即是講你對佢好定唔好,佢係記得晒!點解咁多宗教都講到靈魂,其實無論人與動物都係由精神與物質結合而成,而靈魂其實即是精神亦即是能量,只因為我哋的知識有限,唔相信能量可演化至各式各樣不同物種,如果你相信有輪迴呢樣嘢!即表示你對狗仔所做的無論好與壞,將來自然時機巧遇時,自然會報番俾你,所以唔好睇養寵物係咁簡單,要顧後果!

作者: 屎尿人 時間: 2008-11-16 12:52

哦.....多謝~~^^"

作者: sister346 時間: 2008-11-16 14:48

狗狗新入門的日子最多同狗狗玩飽消耗體力先返企, 避免佢思親夜哭
另入門時先比時間摸索下屋企, 全家人同佢玩讓狗狗知誰為牠的家人
**建議帶狗街行一日两次, 如未打針小心衛生

入籠需要訓練, 唔好一"棚"埋籠唔理佢, 可以先放小食/玩具引佢入籠唔閂門, 多試幾次, 亦可準備一件入籠玩具, 淨入籠先比佢, 要佢知道入籠唔係一件壞事, 有關訓練資料網上可以揾到. 如果正常作息時間(配合主人適當照顧)仍扭計可以如樓上大大忍心蓋布唔理佢, 佢吠你心軟理即係話佢知佢吠主人就會埋黎 (埋黎唔開籠最少都拍籠同佢講野), 只會變本加厲.

日常作息(食玩訓痾)亦要適當訓練以致狗狗配合你家人習慣, 建議去圖書館借書参考. 一本健康飲食, 一本訓練, 一本品種別(貴婦)手冊係一個好開始.

還有問題可以post到飼養心得區, 相信會有較多回應

作者: 屎尿人 時間: 2008-11-16 21:11

多謝你地的幫助呀..
我會去慢慢學習,狗狗學習時,
我都要學習點樣同佢相處...
THANK UU

作者: 小肥佳 時間: 2008-11-20 16:43

我都係第一次養狗，同你一樣都係貴婦狗，已經養左半年。我記得第一日帶佢返黎，佢都無咩點訓架，因為對佢地黎講，去１左一個陌生的環境，同埋見到陌生的人，所以佢地無咩安全感，唔敢訓。到第二日就好ｄ喇！

不過，我覺得呢個問題會好快解決，最要留意既係分離症，我隻狗狗就係最初初的時候，每次我返工，佢都叫到好慘，我係出面等lift的時候聽到，真係好慘架！不過好彩而家就無喇！

我覺得養狗真係要有耐性，因為有時你解決左一個問題之後，另一個問題又會隨即發生。有時真係好擔心同困擾架，不過一諗番起佢地個樣，一見到佢地，咩問題都變左係無問題喇！

好好照顧你的狗狗啦！相信你一定會好享受同佢相處的日子。

作者: 聽了大名 時間: 2008-11-22 20:45

佢係好驚.....你放一個鐘仔係佢放覺位置到....會好好多呀!~~
因為佢聽到有聲就唔會嘈GA啦!~~~
BB仔而家好驚...有聲音佢就唔驚啦!!!!

歡迎光臨 UFunFun 討論區 (http://www.ufunfun.com/)