標題:
唉...我勁失敗...
[打印本頁]
作者:
近鐵男
時間:
2009-2-5 01:17
標題:
唉...我勁失敗...
我今年廿五,同女友一齊三年同居三年
女友一向都係捉住結婚生仔哩個觀念既女人
而我則係活在當下,哩一刻大家快樂大家開心就ok,唔會諗太長遠
我地今年經常為左結唔結婚而嘈交,而演變出黎一個更大既問題就係性格不合
今年大家都一齊得唔開心,一個多月前...一次好普通屋企問題,又嘈鑊大交
果一次佢突然講左一句"你估我地做返朋友會唔會好d呢"
果一刻我心入面第一時間答案係當然好啦,我講左出黎
佢果晚狂喊,挽留....但我依然企硬
第二日..第三日...佢都不斷打俾我,我個人心軟,俾佢tum返
誰不知我地一齊返果日,問題又出現,果晚佢返黎又嘈左鑊交
哩一次我又再一次講分開,我受夠俾一個女人成日鬧了(我寫係寫嘈交,其實咁耐以黎都係佢鬧我,我say sorry)
哩一次佢冇挽留,立即執野走...
分手頭一個禮拜大家冇通電話,一個禮拜後當我發現原來真係來真的果時
我個心好唔知想點,好唔捨得好掛住既感覺不斷湧出黎...
我忍唔住打俾佢叫佢返黎,有咩問題大家再傾掂佢啦
今次佢好理性地同我解釋,佢話其實佢自己都好想好想返黎好想好想搵我,但大家性格全完唔夾,再一齊冇意思...
之後我地就keep住more than a friend既關系,我終於發現其實我係唔可以冇左佢
作為一個人,人生總有支柱,總有一種綺靠,我以前成日聽一個朋友講
但我以前完全唔覺得自己有綺靠,我一路都覺得果位朋友亂咁up
今時今日原來失去左先知道果樣野對自已原來係咁重要...
前女友係哩個幾月入面不時都提醒我,我地只係more than a friend,唔好諗多
我非常唔開心,以前有得珍惜有得同佢一生一世(結婚),我唔去做
到左依家實在愛得太遲...
前幾日晚上我一個人係本來有我同佢兩個人既屋企度百感交集
一時諗唔開死念一起...關左電話去公園坐...前女友打俾我搵我唔到好擔心
佢搵埋我最好既幾個朋友一齊四週圍搵我,仲報埋警
最後警察搵到我,佢地跟警車一齊黎晒...唉,我成廿五歲人,搞單咁野出黎,實在白痴...
之後我見女友都在,我捉緊機會同佢講出我心聲
我同講其實我失去左先覺得佢對我好重要,叫佢返黎同我結婚吧
果刻佢好亂,答唔到我....第二日晚上佢打左一個電話俾我
佢話返黎,但首先要做好幾個條件
儲一畢錢,家中既一隻貓女做絕育,要考返個牌(小弟剛剛轉左行,哩行要考有關既牌先得)家中要有一個新衣櫃掛起晒佢既衫...
係我未達標之前佢唔會搵我,我亦唔可以打俾佢
當時我好開心,佢肯返黎啦....但諗深一層,佢會唔會想我係努力達標既時候慢慢用時間黎醫好自已
唉,諗到哩一點我有d灰心....[完]
作者:
盲公開眼
時間:
2009-2-5 01:29
睇完一遍好感動既經歷。
當明白自己有錯，就會有一種自發性既經歷去改變！
因為你明白咩野先叫最重要，咩野叫做值得你去珍惜。
以往輕看你自己既生活，今天發現依一樣係最重要。
朋友，人生世事。最重要係珍惜眼前事，同埋眼前人。
我覺得你既假設來得無謂。就算你同女朋友係埋一天，一日，一秒。
成為佢男朋友依個既身份，
就要無時無刻去守護佢，唔比佢守傷害。
無時無刻都要令佢從你身上感受只屬佢既幸福！
唔係一種計算下能唔能夠持續，同埋能唔夠得到回應。
愛就要先令自己享受，還要帶比佢。
甘苦與共。
你要放低自己既包袱～著眼於現在，著眼於每刻對佢既關心。
有咩野ＰＭ我啦～
祝福你的人。
FM : WIND
PS, 我唔覺得你係一個失敗既人，好好珍惜依個既機會，用心去再一次愛你既女朋友。
作者:
花姐
時間:
2009-2-5 02:34
咁可以點姐
唯有達標先囉
作者:
近鐵男
時間:
2009-2-5 02:44
好多謝你支持我,好老實講,我係一個好要面既人
今次哩件事我好想同身邊既朋友/家人分享,好想係我地面前喊好想俾佢地關心我
但我完全冇咁做,我係我朋友/家人面前係一個好硬靜既大男人
我只好一個人係屋企喊左一個月,晚晚都一個人在喊
唉,我完來不知不覺間愛哩個女人愛得咁深!!
我依家最怕係佢個心其實係想我為佢努力時用時間慢慢衝淡我既傷
到最後我達標搵返佢既時候原來只是一場空...可能係我諗多左
但哩個可能我覺得絕對有...
作者:
警犬
時間:
2009-2-5 02:59
加油吧,努力達標吧!
如果你想同人傾計既你亦可以加入盟軍!
"盟軍"係水區最大集團之一,希望能夠幫到你啦,有興趣請pm我!
作者:
mu雪
時間:
2009-2-5 03:25
既然你知道你個女朋友既重要
無論點辛苦都好,,你都要達到佢既要求
客觀黎睇,,佢既要求唔係過份
既然去到談婚論嫁既階段,,當然要有一定既儲蓄啦
而貓女果方面,,我諗第1可能你隻貓太活潑,,絕育可以令佢定d
同埋避免貓女有左而要負擔左一筆既費用
而考返既車牌方面,,我都有fd好似你咁,,佢考完車牌人工都由7-8千去到萬2-3
另外有返架車對你地人後都可以方便D
而衣櫃既野,,既然你認定佢係你要既老婆
我覺得大家d衫放埋一齊唔係一個問題了
佢所講既未做到之前,,大家唔可以搵大家,,都係比d壓力你姐
我相信只要你幫隻貓女絕左育之後同考完車牌同買返個亡櫃
再嘗試搵佢,,比佢知道你真係有誠意去做
我諗你地都應該可以有返接觸既
而錢方面都唔可以話一時3刻搵就搵到
我諗你地傾完之後,,e個問題係可以解決
只要你真係有一份穩定而唔太低人工既工作之後
機會失去左就冇,,要好好把握
同埋一樣野,,我諗樓主應該要學識珍惜你所擁有既野
因為你應該明白到失去既感受係點
我相信你1定可以好似mark同小萱咁幸福
加油~
作者:
近鐵男
時間:
2009-2-5 03:53
好多謝so far大家咁仔細地同我分"色"同支持我
但我想講的是我要考的其實並不是車牌
好老實講,以目前黎計,小弟未考到牌以經搵一萬尾兩萬一個月(要考咩牌我要賣個關子,大家好奇可以古下,我會答)
其實要儲錢並唔難,應該係話要做前女友所要求既條件其實一d都唔難
其實報警果晚佢有打過俾我阿媽
我阿媽直情問佢:"其實你想點,你係愛我個仔你就快d打俾佢,你唔係愛佢只係關心佢你就咪再打俾佢,等我個仔一次過痛晒佢"
點知佢第日晚上打俾我,第一句說話就話:"你唔好同你阿媽及你班老友講我打過俾你",之後就開哩幾個條件...
我就係好迷惘佢夠竟點解要第一句要話:"你唔好同你阿媽及你班老友講我打過俾你"
都係果句,我怕到達標果日得到的只是一個空,唉....原來男人有時都會好似女人咁亂諗野同婆媽
曾經,我以前既一位女朋友係唔知咩途經知道我好痛好傷,佢打俾我同我講願意做我現在既一個水抱
以前既我,我一定會應承,但今次我同佢講"對唔住,我實在放唔低我既女友,我做唔出!!對唔住"
唉...作為一個男人,做到咁竭斯底理,其實我係咪好on居...
作者:
mu雪
時間:
2009-2-5 04:25
原來係我誤會左係車牌
會唔會你既職業係會計師? 有得咁既人工
應該都應該係算係專業人士吧,,同埋因為要考牌
我覺得佢叫你買個衣櫃e點,,冇可能係得個空吧
因為就算佢係想你改變而呃你開d咁既條件
佢大不用開埋要掛起哂佢既衫
同埋有一點,,我相信依6年既日子,,3年拍拖同3年同居唔係白過
點都有感情係到,,唔可以話心淡就心淡
離開你既原因係想你改變你既一切
同埋比到「信心」佢
係一個可以令佢覺得可以附托終生既心
愛就係咁,,係要互相包容同遷就
只要你地都能夠搵到個平衡點
咁你地一定可以開開心心咁生活落去
當局者,,我諗冇邊個可以唔亂諗
相信自己,,相信你地大家既感情吧
比佢感受 你對佢既真愛係點
作者:
雜賓能
時間:
2009-2-5 04:40
quite good ar
作者:
舊時情
時間:
2009-2-5 06:25
有大佬wind幫你 實掂la XD
作者:
花姐
時間:
2009-2-5 10:07
飛機牌
作者:
1tree
時間:
2009-2-5 10:19
支持 ! 支持 !
作者:
likeWAI
時間:
2009-2-5 12:05
如果真係下定決心就要馬上行事, 同埋想送你四個字 "兵貴神速".
好多野都要用最短既時間解決, 時間一耐左, 好多野都會追唔返. 唔係想嚇你, 淡左既話, 無論你點用力都係冇用.
另外, 我建議你每完成一項要求時, 可以 sms 報告俾佢知, 等佢知道你好有誠意.
希望可以幫到你啦
作者:
串得起
時間:
2009-2-5 12:10
唔通因為怕呢d條件只係拖延時間o既藉口就唔去做咩, 既然有機會可以同返佢一齊, 梗係要表現返你o既決心同誠意再唔係吊兒郎當....
歡迎光臨 UFunFun 討論區 (http://www.ufunfun.com/)
Powered by Discuz! 6.0.0
