UFunFun 討論區 - Powered by Discuz! Board

標題: 我心碎了...可否和我傾傾幫一幫我......pls.... [打印本頁]

作者: 食螺絲 時間: 2009-2-11 22:06 標題: 我心碎了...可否和我傾傾幫一幫我......pls....

我同我的男朋友7年了....之前我們都好好感情...但我一向對他都好緊張...好怕佢會走...因我真的十分愛他....而我承認自己有些小姐脾氣....而佢又係一個比較燥既人,所以都有唔少摩擦...但好快又會冇野...佢都會(乙水)我的...但好景不常...在12月未,我地吵了場大交...,關係差了....而且佢近來要番兩份工...大家聯絡少了....有一日,我約佢出黎...我覺得佢對我好冷淡,跟住我問佢點解...佢話覺得好似對我冇左感覺咁,而且佢好坦白咁同我講,佢有個朋友都佢有意思..而佢都開始有點動搖...我聽到簡直是好像在我個心割左幾千下咁...lose control咁喊....我直接同佢講我愛佢,唔想同佢分開...佢叫我俾d時間佢諗清楚...我係呢段時間都有寫d咭俾佢..我見到佢睇完都會喊...可能佢依家都好辛苦...我呢排真係好傷心..冇曬胃口..我有情緒病的,現在要食安眠藥先可以入睡....其實佢仲係唔係愛我?.....我係咪應該唔好再搵佢止..等大家冷靜下呢?.............我真的徬徨,好無助....請大家幫幫我吧.....唔該各位...

作者: 話頭醒尾 時間: 2009-2-12 01:12

好明顯你男朋友對你既感情已經淡咗,同時係呢段時間有新既選擇比佢,
由於你所做既嘢令佢有啲柔疑唔知點決定,
因你們都有咗咁多年感情,
雖然你唔想放棄呢段感情,但現在個決定權在對方度,
你比啲時間你男朋友諗清楚先至約佢傾清楚你哋既問題.

ps:你現在放鬆心情啦,無論最後結果係點都好好咁去面對,當然希望你有個好結果,
但愛情唔係人生既全部,一段感情既結束可能係另一段更美好既等緊你.

作者: 無敵二十 時間: 2009-2-12 11:49

有機會...
你耍脾氣...
就快冇機會...
先去亡羊補牢...

知衰知錯...
羊亦已亡...
o係呢段關係上,你已經唔能夠期望太多...要怨只怨自己當初經常性小姐脾氣...
--------------------------------------------
要檢討既係...
你自己係咪將自己脾氣,經常性發洩於自己聲稱愛既人面前?...
--------------------------------------------
今次莫論分手與否...
你起碼知道自己缺點,再改善...
而改善前,你唔能夠期望佢會因為你承諾改左而改變決定...
改善後,亦唔可以期望佢會回心轉意...

如果你問你改左佢都唔回頭,咁你仲要改黎做乜?
只能夠答一句:世上冇100%肯定回報既投資...
只係決定每一件事之後,總會導致出一個後果...
唔做改變...就要冒住"承受同樣結果"既風險...

作者: 呱呱嘈 時間: 2009-2-12 12:22

要別人愛你, 你先要愛自己
你咁樣算唔算折磨自己呢
就天塌下來, 你都要顧住自己健康
衰d講句, 你咁既樣, 就算有機會你都無力氣去爭

我都知道做決定係痛苦, 等決定個個仲痛苦
但呢個係不變既事實, 你只可以坦然接受
不過你都係平常心啦....

作者: PG指引 時間: 2009-2-12 13:47

樓主,我個人認為....
當一個人變心,其實你做咩,佢都係睇唔到,感受唔到。
感情冷左,可以補救,但絕對唔係單方面就可以解決!
如果你男友因為你既相處不夾,而變心..
你都可以改善一下!
如果係因為對佢既朋友心動,而變心
不要期望太高了。

有朋友對你男友有意思,佢就心動?
咁結左婚,有女人愛佢,咁佢又會點?
可以話係你地既感情經唔起考驗,好脆弱!

你依家可以做既,
係檢討,點解一段7年既感情,話變就變?
亂發皮氣對解決問題係冇咩用的!

試用朋友既角度,睇返你地7年既感情,相處,反省等等...
可能會係呢件事上幫到你!

作者: prettyMm 時間: 2009-2-12 14:28

不如你比D 時間佢.......
你都冷靜要左先......同埋你就放鬆自己......
***********************
懂得愛自己既人先懂得去愛人....(錫下自己先..)
無論結果是好是壤,要面對丫.....樓主......

當一個人變心,其實你做咩,佢都係睇唔到,感受唔到~~~
感情變左就係變左......補救唔係你單一方面去做就WORK....
如果你感覺你真係補救唔到就應放手.......

樓主...我相信你仍然好後生......向前同遠D諗...你個人會舒服一點

作者: 女孩子 時間: 2009-2-12 16:12

依家呢一刻,真係講咩都無用
你要冷靜D,俾D空間大家
千萬千萬唔好再迫佢,唔好俾壓力佢
但要無持聯絡,同埋令佢諗返起以前既感覺
對了,溫柔....溫柔D~
然後,聽天由命~

作者: man288 時間: 2009-2-14 01:47

信我一次 , 以後不要再找你男友了 , 要走 , 他有千萬個原因 , 要留 , 他也有千萬個原因 , 留點尊嚴給自已 , 証明自己活得比他幸福 , 証明他今日的決定大錯特錯 , 也給自己一個機會, 老實說 , 你經歷過的 , 我也曾經歷 , 愛是不容施舍的 , 找個比他更好的吧 , 世界好男人多的是........

作者: 發大頭 時間: 2009-2-17 23:12

樓主要好好照顧自己, 唔好諗埋一邊.
有時感情唔到自己控制, 要走既留唔住.
唔開心搵朋友傾下, 放鬆心情

作者: 岡田 時間: 2009-2-18 00:51

佢講得出要時間考慮證明你係佢心目中仍然有一定地位，佢先要考慮放唔放棄。
不過有地位都唔等於留戀…取決於佢剩返幾多。
我自己都試過唔止一次對自己女朋友無乜感覺，有因為對其他人有意思，都有因為有時太忙，但係依然都維持3年。放唔放棄我諗會考慮對你剩返有幾多愛護，佢唔想傷害你或者會繼續維持然後重新建立，而未必會因為果排冇感覺而即刻分開。
期望可以有，但可以少則少。
期望越大失望越大人所皆知…

歡迎光臨 UFunFun 討論區 (http://www.ufunfun.com/)